Latest news

12:53"Комо" "Манчестер Сити" футболчиси ҳуқуқларига эга чиқиши мумкин  0 12:25"Интер" "Челси" ҳужумчисини сотиб олмоқчи  0 11:57Алонсо Родригонинг захирада қолиб кетаётгани ҳақида: "Гап келажак ҳақида эмас, тактикада"  6 11:28Трамп КЖЧ финалига келади  2 10:55"Интер Майами" ғалаба қозонди, Лионел Месси эса кетма-кет тўртинчи ўйинда дубль қайд этди  12 10:51"Бавария" Бундеслигадаги рақобатчининг асосий футболчисини сотиб олмоқчи  0 10:22Виктор Гёкерешнинг "Арсенал"даги маоши маълум  3 09:53Симоне Индзаги "Ал Ҳилол"да тўрт нафар футболчидан қутилмоқчи  7 09:24"Навбаҳор" ҳужумчиси иккинчи даврани "Хоразм"да бошлаши мумкин  4 08:56Энрике: "Телефоним "Барселона" мухлисларидан келган хабарларга тўла"  14 08:27"Рома" Шомуродовнинг ўрнига АПЛда ўтган мавсум 1 та гол урган футболчи олиб келмоқчи  11 07:58"Реал" 25 йиллик антирекордни такрорлади  20 07:30Алонсо йирик мағлубиятдан сўнг нималар деди?  33 07:15Клублар ўртасидаги ЖЧ. ПСЖ - "Реал Мадрид" 4:0  21 02:02Клублар ўртасидаги ЖЧ. ПСЖ ярим финалда "Реал"ни янчиб ташлади ва финалга йўл олди  250

Германия терма жамоасининг энг камтар футболчиси ҳақида News

Германия терма жамоасининг энг камтар футболчиси ҳақида

Tags :  Германия
ЖЧ-2018 ўйинларида иштирок этадиган Йонас Хектор турли мавзуларга оид саволларга жавоб берди.

20 ёшида “Ауэрсмахер” сафида ўзини кўрсатган ва “Кельн”га кўчиб ўтган. Жамоа ёшлар таркибида ўйнаётган бўлсада, Хектор ҳамон чинакамига профессионаллар қаторига ўта олмаганди. Кейинги икки йилда у Германия тўртинчи лигасида тўп тепиб, тажриба орттираётганди – «Кельн» асосий таркибига, яна икки йил ўтиб эса терма жамоа таркибида Жаҳон Чемпионатига йўл олди.

Хектор кўпчиликнинг эътибори тушиб улгурган чап қанот ҳимоячи бўлишдан ташқари, Йоахим Лев тизими учун муҳим ўйинчилардан бири ҳисобланади. “Йонас жуда ақлли, меҳнаткаш ва чап қанотда ҳам, марказда ҳам ўйнай оладиган ажойиб футболчи”, — дейди бош мураббий у ҳақида.

Тарихдаги 3та энг яхши немис футболчи?
— Айнан 3тасини танлаб, ажратиш қийин. Футболимиз тарихида ажойиб ўйинчилар жуда кўп бўлган. Лекин 1954 йилги Жаҳон Чемпионатида ғалаба қозонган жамоа капитани Фриц Вальтерни алоҳида таъкидлаб ўтиш мумкин. Бир нечта ўйинчини санаш эса бироз қийин. Шунинг учун, фақат уни айтаман.

Ультрас қўшиқ тинглаганда ўйнаш яхшими ёки сокинликдами?
— Ультрас қўшиқ садоси остида майдонга тушиш яхши. Бироқ менга мухлислар овозини эшитиш кўпроқ ёқади. Умуман олганда сокинликни севаман, лекин стадионлардаги тинчликни эмас. Шу сабабли, мавсумолди учрашувларни унчалик ёқтирмайман. Чунки у ерда кўплаб мухлисларни учратмайсиз.

Ижтимоий тармоқлардан фойдаланмайсизми?
— Йўқ, нега? Бир нечта аккаунтим бор. Лекин улардан фақат шахсий хабарлар учун фойдаланаман.

Севимли кийиниш услубингиз?
— Кэжуал. Сабаби қулайликни ёқтираман.

Гардеробингиздаги севимли кийимингиз?
— Джинси ва футболка — қаерга борсангиз ҳам энг қулай кийимлардан бири.

Таом тайёрлашни биласизми?
— Ҳа! Ҳар ҳолда мен шундай деб ўйлайман. Шоҳона таом — лазаньяни қойилмақом қилиб тайёрлайман.

Қайси маҳсулотларни кўпроқ миқдорда ҳам сотиб олишингиз мумкин?
— Помидорларни. Чунки уларни жуда ҳам яхши кўраман.

Охирги кўрган сериалингиз?
— Дэмиэн Льюис ва Пол Джаматти иштирокидаги «Миллиардлар» сериали.

Қайси фильмдан таъсирлангансиз?
— Тўғрисини айтсам, менга ҳужжатли фильмлар ёқади. Яқинда Леонардо да Винчи ҳақидаги фильмни кўрдим. У жуда қизиқарли.

Сўнгги ўқиган китобингиз?
— Яқинда Юсси Адлер-Ольсеннинг бир нечта асарларини ўқиб чиқдим. У даниялик детектив асарлар муаллифи Германияда анча машҳур.

Кунни телофон билан биргаликда ўтказиш... Бу сизга хос ҳолатми?
— Иложи борича телефондан камроқ фойдаланишга ҳаракат қиламан. Унга боғланиб қолиб, бир куним мобил алоқа воситаси билан биргаликда ўтиб кетишини хоҳламайман. Шунга эҳтиёт бўлиш керак.

Селфи қиласими?
— Вой, тўғриси унга умуман тоқатим йўқ. Ҳаттоки, оддий расмга тушишни ҳам унча ёқтирмайман.

Нима сабаб бунчалик соддасиз?
— Ота-онамнинг тарбияси.

Тўйиб ухлашингиз учун неччи соат етади?
— Менимча, 8 соат етарли.

Сўнгги маротаба қачон тиниқиб ухладингиз?
— Унча кўп бўлмади, куни-кеча мазза қилиб ухладим.

Германияда сизни ташвишга соладиган муаммолар борми?
Тўғри, Германияда ўзаро ҳурмат яхши. Лекин мен бундан ҳам яхшироқ бўлишини хоҳлайман.

Инсонларда нимани кўпроқ қадрлайсиз?
— Хайрихоҳлик.

Пулга муносабатингиз?
— Улар борлиги ажойиб, албатта. Бироқ, пул ҳақида суҳбатлашиш менимча муҳим эмас.

Орзунгиз?
— Яқинлар ёнида тинч ва бахтли ҳаёт кечириш. Бу мен учун жуда муҳим.


Нозима Зарипова таржима қилди

Rating: +21   

Comments

championat.asia
< show latest news
Яндекс.Метрика