Германия клуби Шомуродов учун курашга қўшилди

Бу ҳақда таниқли журналист Руди Галетти хабар бермоқда.

Маълумотларга қараганда, "Штутгарт" Ўзбекистон терма жамоаси сардори Элдор Шомуродовни қўлга киритиш учун бел боғлаган. 

Эслатиб ўтамиз, "Штутгарт" Германия Бундеслигаси 4 туридан сўнг 3 очко билан 12-поғонада бормоқда.

Италия ОАВ тарқатган сўнгги хабарларга кўра, "Монца" бош директори Адриано Галлиани клуб Шомуродов трансфери бўйича "Рома" билан келишмагани ва бу бўйича иш олиб борилмаётганини таъкидлаган.

Аввалроқ инсайдер Николо Скира Шомуродов "Монца"га ўтиши мумкинлиги ҳақида хабар берган эди.