Германия - Аргентина баҳсида жанговар дуранг қайд этилди. Меҳмонлар ирода кўрсатишди
10 oct 2019 01:40
News
![](https://championat.asia/upload/storage/522648_original.jpg)
![](/upload/storage/522648_220.jpg)
Германия - Аргентина баҳсида жанговар дуранг қайд этилди. Меҳмонлар ирода кўрсатишди
Germany Serge Gnabry - 15', Kai Havertz - 22' |
Friendlies . Round 1 09/10/2019, 23:45 2
:
2
Finished
|
Argentina Lucas Alario - 66', Lucas Ocampos - 85' |
Stadium: Signal Iduna Park, 45197 spectators
Referee: Clement Turpin
Германия – Аргентина 2:2 (2:0, 0:2)
9 октябрь, 23:45, «Сигнал Идуна Парк»
Голлар: Гнабри 16' — 1:0, Хавертц 22' — 2:0, Аларио 66' — 2:1, Окампос 85' — 2:2.
Германия — Марк Андре тер-Штеген, Робин Кох, Жошуа Киммих, Кай Хаверц (83, Себастьян Руди), Юлиан Брандт, Лукас Клостерманн, Никлас Зюле, Марсел Халстенберг, Люка Вальдшмидт, Серж Гнабри (71, Сердар), Эмре Жан.
Аргентина — Агустин Марчесин, Хуан Фойт, Николас Отаменди, Маркос Рохо (46, Маркос Акунья), Николас Тальяфико, Леандро Паредес, Роберто Перейра (76, Саравия), Родриго де Пауль (90+2, Родригес), Анхель Коррея (46, Лукас Окампос), Пауло Дибала (62, Лукас Аларио), Лаутаро Мартинес.
Огоҳлантиришлар: Киммих (11), Отаменди (26), Де Паул (30), Акунья (84).
УЧРАШУВ ЖАНГОВАР БИЛАН ЯКУНЛАНДИ
90+2. Ўзгариш. Де Паул ўрнига Родригес тушди.
— Иккинчи бўлимга 2 дақиқа қўшиб берилди.
85. ГОЛ! Қарши ҳужумда Аргентина гол уриб кетмоқда. Окампос Аларионинг пасини жуда идеал зарбаси билан омадли якунлади.
85. Стандарт вазиятни ҳимоячилар бартараф этишди.
84. Акунья огоҳлантирилди. Германияда яна бир стандарт вазият. Дарвозагача 30 метрча маосфа бор.
83. Ўзгариш. Хавертц ўрнига Руди тушди.
82. Лаутарооо, Алариооо.... Уларнинг бирин-кетин дарвозага йўллаган зарбаларига германиялик ҳимоячилар ғов бўлишди. Ҳужумни муваффақиятли якунлайдиган Месси сингари футболчи топилмаяпти.
— Сўнгги 10 дақиқа бошланди. Учрашув охирида бизни шиддатли атмосфера кутиб турганга ўхшайди. Кузатамиз.
79. Аргентина ҳужум қилишда давом этмоқда. Аларио яна катта саҳнада. Бу вазиятда шериклари уни қўллаб-қувватлашга кеч қолишди. Жарима майдончаси марказида дарвозага зарба берадиган ўйинчи топилмади.
78. Лукас Алариоооо! Иккинчи голни ҳам уриши мумкин бўлган вазиятда унга бироз омад етишмади.
77. 3-рақамлар тўқнашувида Тальяфико рақибини қўполлик эвазига тўхтатиб қолди.
76. Аргентина сафида ҳаракат қилган Перрейра ўрнига Саравия туширилди.
75. Киммихнинг жаримадан берган ўта кучли ва аниқ зарбасини дарвозабон муштлари билан қайтариб юборди.
74. Иккинчи таймда жамоалар чарчаб қолишди ва ўйин сурати ҳам тушиб кетди.
71. Ўзгариш. Гнабри ўрнини Сердар тўлдирди. Серж бугунги баҳсда 1 тадан гол ва ассист қайд этди.
70. Паредеснинг узоқдан йўллаган зарбасини тер Штеген қўлга киритди.
66. ГОЛ! 2:1. 4 дақиқа аввал майдонга тушган Лукас Аларио боши билан тер Штеген қўриқлаётган дарвозани нишонга олди ва мақсадига етди.
64. Лаутаро Мартинесни германиялик ҳимоячилар муносиб қўриқлашмоқда. Унга тўп тушиши биланоқ икки ҳимоячи кутиб олаяпти. Бу эса Лаутарога бир қанча қийинчиликлар туғдирмоқда.
62. Аргентина сафида учинчи ўзгариш амалга оширилди. Дибала ўз ўрнини Алариога бўшатиб берди.
55. Эмре Жан жуда қулай вазиятга чиқиб борди ва зарба берди. Мартинеснинг маҳорати Аргентинани учинчи гол ўтказиб юборишдан сақлаб қолди.
54. Иккинчи таймда аргентиналиклар ўзларидан қўшишгани кўриниб турибди. Германия ҳужум қилишга қийналмоқда. Юқори босим ва зич жойлашув бунинг асосий омиллари ҳисобланади.
— Маркос Рохо ўрнига Маркос Акунья, Анхел Коррея ўрнига Лукас Окампос туширилди ва иккинчи бўлимга старт берилди.
— Биринчи бўлимга бир дақиқа ҳам қўшилгани йўқ. ТАНАФФУС
45. Катта саҳнага Гнабри чиқди. Бу сафаргиси омадсиз чиқди. Унинг ўнг ўткир бурчак тарафдан йўллаган зарбаси кўнглидагидек чиқмади.
40. Де Паулнинг рақиб жарима майдончаси ташқарисидан берган яна бир зарбасига аниқлик етишмади.
38. Германияда ёмғир авжига чиқди. Футболчилар тўп билан муомала қилишда қийналишмоқда. Дарвозабонларнинг ҳолатига ҳавас қилиб бўлмайди. Бундай пайтда узоқдан бериладиган зарбаларнинг аҳамияти жуда юқори бўлади.
35. Анхел Корреянинг чап оёқда ҳаводан келаётган тўпни тўхтатмасдан берган зарбаси аааанча ноаниқ чиқди.
33. Аргентинада хавфли вазиятттт! Де Паулнинг 30 метрлар масофадан берган кучли зарбаси дарвоза устунига тегиб майдон ташқарисига чиқиб кетди. Учрашувда меҳмонларнинг илк бор голга яқин келиши мана шундай юз берди.
31. ЗАРБАААА! Марсел Халстенбергнинг пушка ўқини узганидек зарбаси дарвоза тўсинига тегиб майдонга қайтди. Жарима забаси голга айланишига сантиметрлар ҳалақит қилиб қолди.
30. Навбатдаги сариқ карточка Родриго Де Паулга кўрсатилди. У Гнабрини қўли билан ушлаб тўхтатиб қолди.
27. Стандарт вазиятдан немислар ажойиб тарзда фойдаланиб кетишлиги мумкин эди. Бу ерда иккита омил уларни тўхтатиб қолди. Биринчиси офсайд, иккинчиси эса Брандтнинг тўпга бироз ета олмаганлиги.
26. Никлас Отаменди Юлиан Брандтга нисбатан қўпол ўйнади ва огоҳлантирилди.
22. ГОЛ! Кай Хавертц Серж Гнабрининг самарали пасидан сўнг ҳисобни 2:0 кўринишига келтирди. Бу вазиятда меҳмонлар майдон марказида кутилмаганда тўпни йўқотишди ва қарши ҳужумда жазоланишди.
21. Аргентинанинг бу сафарги ҳужуми охирига етмай қолди. Де Паулнинг узатмасини тер Штеген қийинчиликсиз эгаллаб олди.
16. ГОЛ! Серж Гнабри ҳисобни очди. Аргентиналикларнинг 4 нафар ўйинчиси орасида қолган Гнабри гол уришга муваффақ бўлди.
14. Германиянинг биринчи зарбасига Брандт муаллифлик қилди. Маркисин тўпни ўнг оёғи билан қайтарди.
11. Огоҳлантириш. Германия термаси сардори Йосуа Киммих Паредесга қасддан фол ишлатди ва сариқ карточкага лойиқ кўрилди.
9. Ўйинда илк хавфли вазиятга ўхшаш ҳолатни меҳмонлар вужудга келтиришди. 7-рақамда ҳаракат қилаётган Перрейранинг жарима майдончасига ташлаб берган узатмасини немис вакиллари бартараф эта олишди.
5. Дастлабки 5 дақиқада немислар тўп билан жуда яхши муомала қилишди ва майдонда эркин ҳаракат қилишмоқда.
2. Германия терма жамоаси оқ, Аргентина вакиллари эса қора либосда ҳаракат қилишмоқда.
1. Учрашувга старт берилди!
Ҳайрли оқшом қадрли дўстлар! Германия ва Аргентина ўртасидаши ўртоқлик ўйини саноқли дақиқалардан кейин бошланади. Бугун Йоахим Лёв дарвозани "Барселона" посбони Марк-Андре тер Штегенга ишониб топширди. Ҳужумда ҳам янгилик бор.
Бир ҳафта олдин тер Штеген дарвозасини ишғол қилган Лаутаро Мартинес бугун ҳам шу ишни бажариш учун асосий таркибдан жой олди. Месси таркибда йўқ. Дибала, Лаутаро, Коррея триоси мазкур учрашувда нима "каромат" кўрсатаркин? Бу сизга ҳам қизиқ бўлса керак-а?
Similar news
![AMP Logo](https://championat.asia/image/logo-amp.png)
Comments