Германия. 4-тур. "Бавария" ғалабани қўлдан чиқарди

30 август куни Европа Суперкубоги учун ўйинда майдонга тушадиган "Бавария" тур ўйинини олдинроққа кўчирилганди. "Фрайбург"га қарши сафардаги ўйинда Гвардиола муҳим ўйин олдидан бир қатор етакчиларни тушурмади. Натижада Мюнхен клуби очко йўқотди. 33-дақиқада Томас Мюллернинг пасидан сўнг Шердар Шачири майдон эгаларини ранжитди - 0:1. Учрашувнинг асосий вақти тугашига 4 дақиқа қолганида майдон эгалари вакили Хефлер "Фрайбург"ни мағлубиятдан қутқариб қолди - 1:1.  

Ушбу турнинг қолган ўйинлари 31 август ва 1 сентябрь кунлари бўлиб ўтади. 

Фрайбург – Бавария 1:1 (0:1) 
27 август, 21.30, «Баденова-Штадион» 
Голлар: 0:1 – 33 Шачири (Мюллер), 1:1 – 86 Хефлер. 
Фрайбург – Бауманн, Гюнтер, Дианье, Гинтер, Зорг, Шустер (Хефлер, 61), Фернандес, Шмид, Геде (Ханке, 75), Лапревот (Керк, 60), Фрайс.
Бавария – Нойер, Рафинья, ван Бейтен, Данте, Контенто, Швайнштайгер (Рибери, 79), Мюллер, Гетце (Лам, 62), Кроос, Шачири, Писарро (Манджукич, 88).
Огоҳлантиришлар: Хефлер (63), Гюнтер (66), ван Бейтен (70).