Георги Квесиешвили "Андижон" сафига қўшилди

Кеча “Андижон” сафига яна бир янги футболчи қўшилди. Мухлисларга яхши таниш бўлган грузиялик футболчи Георги Квесиешвили жорий мавсумни андижонликлар сафида ўтказиши мумкин.

1985 йилда таваллуд топган Квесиешвили 2011 йилдан бери юртимизда фаолият кўрсатиб келмоқда. У дастлаб “Бухоро” жамоасида кейинчаликда “Олмалиқ”да тўп сурди. Ўтган мавсумда эса грузиялик ҳимоячи биринчи даврани “Бухоро”да, иккинчи даврани “Қизилқум” клубларида ўтказди. Ўтган йили у “Бухоро”да айнан Эдгар Гесснинг қўл остида тўп сурганди. Квесиешвили нафақат ҳимояда, балки ҳужумларга ҳам фаол қўшила оладиган футболчидир. У ўтган йили иккинчи даврада “Қизилқум” сафида 13та учрашувда майдонга тушиб 3та гол урган.

Квесиешвили “Андижон”нинг бугунги машғулотларида иштирок этди.


"Андижон" матбуот хизмати