Ғайрат Жумаев: “Мухлислар ишончи бизга куч беради”
09 sep 2016 14:15
News

Ғайрат Жумаев: “Мухлислар ишончи бизга куч беради”

Олий лига йигирма биринчи тур доирасида “Қизилқум” — “Қўқон-1912” жамоалари ўзаро куч синашади. Учрашув олдидан навоийликлар ярим ҳимоячиси Ғайрат Жумаев ўз фикрларини билдирди.

—Олдинда бизни жиддий рақиб кутиб турибди, — дейли Ғайрат Жумаев. — Биринчи даврада Қўқонда йирик ҳисобда ғалаба қозонгандик. Аммо бу энди тарихдан жой олди. Давралар оралиғида “Қўқон-1912” жамоаси сезиларли даражада ўз таркибини кучайтирганига шубҳа йўқ. Шу боис, бугун Навоийда мухлислар шиддатли ўйинга гувоҳ бўлишса ажабмас.

Мухлислар жамоамизга катта ишонч билан қарашмоқда. Бу ўйинда ғалаба ҳар икки жамоа учун ҳам жуда муҳим. Асосийси, жамоадошларимнинг ўйин олдидан кайфиятлари аъло даражада. Учрашувда ишқибозларимизни хурсанд қилиш учун бор куч ва маҳоратимизни ишга солишга тайёрмиз. Стадионда ташриф буюрадиган мухлисларимизнинг қўллаб-қувватлаши бизга куч беради, деб ишонаман.

“Қизилқум” ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: +4