Ғайрат Ҳасанов: "Ифтихор"да ёш футболчилар билан курашувчан жамоа шакллантирмоқчимиз"
04 apr 2019 21:51
News

Ғайрат Ҳасанов: "Ифтихор"да ёш футболчилар билан курашувчан жамоа шакллантирмоқчимиз"

“А” Про-Лига 1-туридан ўрин олган “Ифтихор”- “Истиқлол” (0:3) учрашувидан сўнг “Ифтихор” жамоаси мураббийи Ғайрат Ҳасанов қуйидагича фикрларни билдирди.

Бугун қизиқарли учрашув бўлди деб ўйлайман. Жамоамиз аъзолари ёш футболчилардан иборат, бугун уларга тажриба етишмади. Ёш футболчилар билан яхши ва курашувчан жамоа шакллантиришга ҳаракат қилмоқдамиз.

Бугун дастлабки учрашув бўлганлиги учун жамоамиз футболчиларида ҳаяжон кузатилган бўлиши мумкин. Лекин биз бугун жамоамиз аъоларидан бошқача ўйин кутгандик, афсуски улар бугун ўзларига ўхшамади. ПФЛ кубоги мусобақаларида жамоада мураббий сифатида ишладим, биласизми фақат яхши ўйин кўрсатиб, ғалабаларга эришгандик. Мураббийлик фаолитим узоқ давом этса, биламизки футболда ғалаба ва мағлубият ёнма-ён юради, ҳар доим шу каби вазиятларга тайёр бўлишимиз керак. Энг муҳими бугунги натижани унутиб, кейинги учрашувларда ғалаба учун ҳаракат қилишимиз лозим.

Бекзод Толибов ёзиб олди.

Link :

Source : championat.asia

Receive latest football news directly on your phone. Subscribe for our Telegram channel!

Rating: +6