"Ганновер" - "Боруссия М" ва Европадаги бугунги ўйинлар ҳақида

Франция чемпионатининг 34-турининг илк учрашуви "Лион" ва "Ницца" клублари ўртасида бўлиб ўтади. ПСЖ чемпионликни қўлга киритиб бўлгач 55 очкога эга "Лион" кумуш медаль учун курашни давом эттирмоқда. "Ницца" ҳисобида эса 53 очко мавжуд. Бу баҳсни иккиланмай турнинг марказий баҳси деб атасак бўлаверади.

Франция чемпионати. 34-тур
23:30 - "Лион" - "Ницца"

Германия бундеслиганинг 30-тури "Ганновер" ҳамда Менхенгладбахнинг "Боруссия" клублари ўртасидаги ўйин билан старт олади. 29та ўйиндан 18 очко тўплаган "Ганновер" чемпионатда сўнгги ўринни банд этиб турибди. Жамоа бу йил бундеслигани тарк этиш эҳтимоли 95 фоизга тенг. "Боруссия"нинг ҳолати анчагина яхши. Жамоа кейинги йил ҳам Европа чемпионлар лигасида қатнашиш учун курашни давом эттирмоқда. Андре Шуберт бошчилигидаги "Боруссия" 45 очко тўплаган ҳолда тўртинчи ўриндаги "Байер"дан 3 очкога ортда қолмоқда.

Германия бундеслигаси. 30-тур
23:30 - "Ганновер" - "Боруссия М"

Россия премьер-лигасида бугун 24-тур бошланади. Дастлабки ўйинда "Мордовия" ва "Амкар" клублари тўқнаш келишади. Майдон эгалари 16 очко билан мусобақа жадвалининг энг сўнгги 16-поғонасини банд этиб туришибди. Гаджи Гаджиев бошчилигидаги "Амкар" эса 25 очко билан 10-ўринни эгаллаган.

Россия премьер-лигаси. 24-тур
21:00 - "Мордовия" - "Амкар"

Испания примеросининг 33-тури "Леванте" ва "Эспаньол" ўртасидаги учрашув билан очилади. мусобақа жадвалининг энг сўнгги поғонасини эгаллаб турган мезбонлар 15-ўриндаги "Эспаньол"га қарши майдонга тушишади. Бу жамоаларнинг чемпионат доирасидаги охирги икки ўйини дуранг натижа билан якунига етган.

Испания примероси. 33-тур
23:30 - "Леванте" - "Эспаньол"

Голландия чемпионатининг тугашига 4та тур қолмоқда. 31-турнинг илк учрашуви "Де Графсхап" ва "Твенте" ўртасида бўлиб ўтади. Мезбонлар 18 очко билан 18 жамоа орасида 17-ўринда боришмоқда. 2010 йилги мамлакат чемпиони "Твенте" клуби 35 очко билан 13-поғонани эгаллаб турибди.

Голландия эредивизиони. 31-тур
23:00 - "Де Графсхап" - "Твенте"