Latest news

17:48"Арсенал" футболчиси билан шартномани муддатидан олдин бекор қилди  0 17:20"Бавария" собиқ ҳужумчиси Остон Ўрунов ўйнаётган жамоага бош мураббий бўлди  0 16:53"Ливерпуль" устози Слот Жота билан охирги суҳбати нима ҳақида бўлганини айтиб берди  0 16:27Расман: "Сўғдиёна" албаниялик ҳужумчи трансферини эълон қилди  9 16:10Дарвин Нуньес: "Табассумингни унутмайман"  1 15:44"Манчестер Сити" португалиялик дарвозабоннинг товон пулини тўлашга тайёр  0 15:17Рафаэль Надаль: "Жотанинг оиласига ҳамдардман"  2 14:56"Қизилқум" Ғузорда "Шўртан"дан устун келган ўйиндан ГАЛЕРЕЯ  0 14:38Уильямс трансферига нуқта қўйилди – футболчи "Атлетик"да қолади  12 14:09Халқаро турнир. Ўзбекистон U-16 терма жамоаси Кореяга мағлуб бўлди  11 13:55"Арсенал" Жотанинг вафоти муносабати билан ҳамдардлик билдирди  2 13:31Буюк Британия бош вазири Диогу Жотанинг ўлими ҳақида фикр билдирди  1 13:04Озарбайжон президенти: "Ўзбекистон термасининг ЖЧга чиққани тасодиф эмас"  4 12:37"Футбол олами". "Динамо" яна ўз уйида ютқазди, "Навбаҳор" ва "Пахтакор" Кубокда чорак финалга чиқди  0 12:29Расман: Сардор Раҳмонов – "Сўғдиёна" футболчиси!   7

Футзал. Японияга ютқазиб иккинчи бўлишимиз керак эдими? News

Футзал. Японияга ютқазиб иккинчи бўлишимиз керак эдими?

Ўзбекистон терма жамоаси агар гуруҳда иккинчи ўринни олиб Таиланд терма жамоасига қарши баҳс олиб борганида ярим финалга чиқа олмасди!
Балки чиқа оларди, лекин Таиланд биздан кўра анча кучли рақиб ва японларнинг ҳийласи аввало бизга кўпроқ фойда берди. Кўпчилик Ўзбекистон терма жамоасининг бугун қайд этган натижасидан келиб чиқиб мураббийлар штабини кескин танқид қиляпти. Ўйлайсизки, гуруҳда иккинчи ўринни олганимизда биз ҳозир ярим финалда Қувайтга қарши ўйнармидик? Йўқ албатта, бизнинг йигитлар аллақачон Тошкентга етиб келган бўлардилар.

Таиланд терма жамоаси Эронни Осиё Кубогида икки маротаба мағлубиятга учратиб финалга чиққан. Сўнгги Осиё чемпионатида айнан Таиланд терма жамоаси Эронни финалдан маҳрум қилганини ҳамма ҳам билмаса керак.

Таиланд терма жамоаси 13 марта Осиё чемпионатида иштирок этган. Иккита кумуш, 4та бронза. Чакки натижа эмас, тўғрими?

Таиланд футзалчилари 4 карра ЖЧ иштирокчиси! 2012 йил шу мамлакатда бўлиб ўтган мусобақада Таиланд терма жамоаси гуруҳдан чиқа олган. 1/16 финалда эса якунда финалга қадар етиб борган Испанияга имкониятни бой берди.

Ундан кейин бу Ўзбекистон миллий терма жамоасини тўлиқ таркиби эмаслигини ҳам унутмаслигимиз лозим. Элибоев, Шарипов ва Ирсалиев каби етакчи футзалчиларимиз мусобақага бормаганлар.

"Афсуски, жароҳат туфайли бу мусобақада иштирок эта олмаяпман. Дўстларим ва укаларимга эса қизиқарли чемпионат учун раҳмат айтишим мумкин. Ҳақиқатдан ҳам Таиландга тушсак маъқул бўларди деган гапларни эшитяпмиз. Аммо унутмаслик керакки, Таиланд терма жамоаси ЖЧларда пишган жамоа. У ерда футзал жуда ривожланган. Муҳими, "Локомотив" учун ОЧЛ йўлланмаси ютилди", - дейди Дилшод Ирсалиев.

Аслида мусобақада гуруҳдан чиқа олиш ҳақида ўйлаётган эдик. Ҳаттоки, "Локомотив" ОЧЛда иштирок этмаслиги учун Ўзбекистон терма жамоаси атайин гуруҳда қолишни режалаштирган деган гаплар ҳам чиқди. Балки Эрондан йирик ҳисобда мағлубиятга учрагандирмиз, аммо "Локомотив" учун ОЧЛ масаласини ижобий ҳал қилдик.

Эрон эса бу бошқа масала, хорижлик мутахассислар айтганидек, Эронда янги туғилган чақалоққа футзал тўпи совға қилинади.

Шундай экан, футзалчиларимизни койимайлик! Мухлисларга эса алоҳида раҳмат! Ҳатто вьетнамликлар ҳам Ўзбекистон деб бақириб юборишди.

Нодирхўжа Юлдашев.
Rating:    

Comments

championat.asia
< show latest news
Яндекс.Метрика