Футзал. Япония ва БАА Тошкентдаги турнирда қатнашмайди
25 feb 2014 16:49
News

Футзал. Япония ва БАА Тошкентдаги турнирда қатнашмайди

Тошкентда футзал терма жамоалари ўртасида халқаро мусобақа бўлиб ўтиши ҳақида хабар бергандик.

Ушбу турнир катта эҳтимол билан 17 апрелда старт олади.

Сўнгги маълумотларга кўра, Япония ва Бирлашган Араб Амирликлари Футзал Ассоциациялари турнирда қатнашмасликни маълум қилишган. Айни пайтда Ўзбекистон Футзал Ассоциацияси Эрон, Озарбайжон, Белоруссия ҳамда Руминия Футзал Ассоциацияларининг жавобларини кутмоқда.

Юқоридаги терма жамоалардан ижобий жавоб келмаган тақдирда Баҳодир Аҳмедов бошчилигидаги Ўзбекистон футзал терма жамоаси апрелда йиғин ташкил этади ва Тошкентда ўртоқлик ўйини ўтказади. Унда терма жамоамизга ким рақиблик қилиши ҳозирча номаълум.

Тошкентда ўтказилиши кўзда тутилган турнирдан асосий мақсад, 30 апрелда бошланадиган Осиё чемпионатига тайёргарлик кўриш.

Эслатиб ўтамиз, Вьетнам мезбонлик қиладиган Осиё чемпионати 30 апрель - 10 май кунлари бўлиб ўтади. Ўзбекистон терма жамоаси "D" гуруҳида Япония, Қирғизистон ва Жанубий Корея терма жамоалари билан куч синашади.

Link :

Source : championat.asia

Receive latest football news directly on your phone. Subscribe for our Telegram channel!

Rating: