Футзал. U-20 Осиё чемпионатига қуръа ташланди

Шуни айтиш лозим, ушбу мусобақа Эроннинг Табриз шаҳрида ташкил этилади ва 14-23 июнь кунлари ўтказилади. Бу 20 ёшгача футзалчилар ўртасидаги иккинчи мусобақа бўлади. Биринчиси 2017 йил Таиландда бўлиб ўтган. 

Мусобақа регламентига кўра, ҳар бир гуруҳдан иккитадан жамоа кейинги босқичга йўл олади. Маълумот учун, ушбу турнирда Ўзбекистон U-20 футзал терма жамоаси қатнашмайди. Чунки ёш футзалчиларимиз ўтган йил саралаш босқичидан ўта олишмаган. 

Қуйида қуръа натижаларини келтириб ўтамиз: 

"A" гуруҳи - Эрон, Афғонистон, Гонконг

"B" гуруҳи - Таиланд, Ливан, Қирғизистон

"C" гуруҳи - Япония, Вьетнам, Тожикистон

"D" гуруҳи - Ироқ, Индонезия, Хитой Тайпейи