Футзал: Терма жамоа «Tashkent Cup-2014» турнирига тайёргарликни давом эттирмоқда

Баҳодир Аҳмедов бош мураббийлигидаги терма жамоа 19 ноябрь куни Тошкентда йиғинга киришди ва турнир стартигача машғулотлар ўтказади. Эслатиб ўтамиз, «Tashkent Cup-2014» халқаро турнири 1-3 декабрь кунлари Тошкентдаги Ўзбекистон спорт мажмуасида бўлиб ўтади. Унда, Ўзбекистон терма жамоасидан ташқари, Беларусь, Қозоғистон ва Озарбайжон терма жамоалари иштирок этишади.

Маълумот ўрнида, Тошкентдаги йиғинга Баҳодир Аҳмедов жами 16 нафар ўйинчини таклиф этган. Улардан 14 нафари эса турнирда иштирок этувчи якуний рўйхатга киритилади.

Эслатиб ўтамиз, футзал бўйича Ўзбекистон терма жамоаси бунгача 12-15 ноябрь кунлари БААнинг Дубай шаҳрида йиғин ўтказган ва БАА терма жамоасига қарши иккита ўртоқлик учрашувида майдонга тушган эди. БААга қарши ўтказилган иккала учрашув ҳам Ўзбекистон терма жамоаси ғалабаси билан якунланган - 3:1 ва 3:0.

Ўзбекистон терма жамоасининг Тошкентдаги йиғинида иштирок этаётган ўйинчилар рўйхати:

Дарвозабонлар: Рустам Умаров (Олмалиқ), Акмал Хазратқулов (Дустлик-AIN)
Майдондаги ўйинчилар: Шухрат Тожибоев (Гансу Масс, Хитой), Жавлон Аноров (Олмалиқ), Константин Свиридов (Олмалиқ), Элдор Хошимов (Ардус), Тимур Садиров (Ардус), Даврон Чориев (Ардус), Даврон Абдураҳмонов (Ардус), Сарвар Шоахмедов (Локомотив), Алан Аминов (Ардус), Дилшод Рахматов (Гансу Масс, Хитой), Фарход Абдумавлонов (ЦСКА, Қозоғистон), Дилшод Ирсалиев (Ардус), Андрей Шлема (Олмалиқ), Артур Юнусов (Ардус).