Футзал: Шухрат Пўлатов ОЧ саралаш ўйинларини бошқаради
08 nov 2013 17:31
News

Футзал: Шухрат Пўлатов ОЧ саралаш ўйинларини бошқаради

Футзал бўйича ўзбекистонлик ФИФА рефериси Шуҳрат Пўлатов шу йилнинг 8-12 декабрь кунлари Малайзия пойтахти Куала-Лупур шаҳрида бўлиб ўтадиган ОЧ саралаши Ғарбий минтақаси ўйинларини бошқариш учун таклиф олди.

8-12 декабрь кунлари Малайзия пойтахти Куала-Лумпур шаҳрида келаси йили Вьетнамда бўлиб ўтадиган футзал бўйича Осиё Чемпионати саралаш ғарбий минтақа ўйинлари бўлиб ўтади. Мазкур саралаш баҳсларида Кувайт, Ливан, Қатар, Саудия Арабистони ҳамда Ироқ терма жамоалари Осиё чемпионатига бериладиган уч йўлланма учун кураш олиб борадилар.

Эътиборлиси, мазкур саралаш ўйинларини бошқариб борадиган ҳакамлар орасида ўзбекистонлик ФИФА рефериси Шуҳрат Пўлатов ҳам бор.

Эслатиб ўтамиз, 5-7 ноябрь кунлари Тошкентда ОЧ-2014 саралаш Жанубий ва Марказий Осиё минтақаси ўйинлари бўлиб ўтди ва унда Ўзбекистон терма жамоасидан ташқари Тожикистон ҳамда Қирғизистон терма жамоалари ОЧ йўлланмасини қўлга киритишди.

Link :

Source : the-uff.com

Receive latest football news directly on your phone. Subscribe for our Telegram channel!

Rating: