Футзал. Рақибимиз Ливан терма жамоаси Венгрияга қарши иккита ўйин ўтказди
01 feb 2016 15:36
News

Футзал. Рақибимиз Ливан терма жамоаси Венгрияга қарши иккита ўйин ўтказди

Тошкентда бўлиб ўтадиган Осиё чемпионатида иштирок этувчи Ливан терма жамоаси қитъа чемпионатига тайёргарликни давом эттирмоқда.

Ўзбекистон терма жамоасининг гуруҳдаги рақиби бўлган Ливан 23 ва 24 январь кунлари Венгрия терма жамоаси билан ўртоқлик иккита учрашувини ўтказди.

Дастлабки баҳсда Ливан 1:4 ҳисобида ютқазиб қўйди. Ягона голни Мустафо Шерхон европаликлар дарвозасига урди. Иккинчи ўйинда ҳам Ливан Венгрияга имкониятни бой бериб қўйди - 2:4.

Франсиско Араухо шогирдлари Осиё чемпионатидан олдин Хитой Тайпеи ва Япония билан ўртоқлик учрашувларини ўтказади.

Эслатиб ўтамиз, "A" гуруҳида Ўзбекистон ва Ливандан ташқари Қирғизистон ҳамда Саудия Арабистони терма жамоалари кураш олиб боришади.