Футзал. "Пахтакор" "Насаф"ни иккинчи баҳсда ҳам енгди ва иккинчи финалчига айланди

1/2 финалнинг биринчи беллашувида "Насаф"ни 5:2 ҳисобида мағлуб этган "Пахтакор" иккинчи беллашувда 6:3 ҳисобидаги ғалабани қўлга киритди ва финалнинг иккинчи иштирокчисига айланди. Ҳал қилувчи баҳсда пойтахтликлар Олмалиқнинг АГМК жамоаси билан куч синашишади. "Насаф" эса бронза медаллар учун "Навбаҳор" билан кураш олиб боради.

Футзал. АГМК "Навбаҳор"ни мағлуб этди ва биринчи финалчига айланди

Футзал бўйича XXIII Ўзбекистон миллий чемпионати
Ярим финал, иккинчи ўйин
"Пахтакор" - "Насаф" 6:3
Голлар: Д.Чориев 8, Д.Шавкатов 10, И.Ражабов 14, 38, А.Абдувалиев 20, Т.Садиров 33 - С.Жўраев 11, Ж.Халимов 16, О.Полвонов 27
Ҳакамлар: Анатолий Рубаков, Никита Афинагенов, Санжар Назаров, Жамолиддин Қосимов.

"Пахтакор" (биринчи бешлик): Равшан Элибоев, Феруз Фахриддинов, Тимур Садиров, Авазбек Абдувалиев, Илҳом Ражабов.
Захира: Акмал Хазратқулов, Дилшод Ирсалиев, Муҳаммад Зоиров, Мақсуд Файзуллаев, Дилмурод Шавкатов, Даврон Чориев, Фахриддин Самегов, Шоислом Шобаҳромов, Маъмур Дилшодов.

"Насаф" (биринчи бешлик): Темур Хайдаров, Суннатилла Жўраев, Мамашариф Халимов, Ойбек Полвонов, Самандар Очилов.
Захира: Жасур Халимов, Шоҳрух Неъматов, Шоҳрух Норқулов, Оғабек Эргашев.
Огоҳлантиришлар: Т.Хайдаров 36
Четлатишлар: О.Полвонов 35, Т.Хайдаров 40

Эслатиб ўтамиз, футзал бўйича Ўзбекистон чемпионатининг финал ва учинчи ўрин учун беллашувлари 15 декабрдан старт олади. Бронза учун баҳслар томонлардан бирининг иккита ғалабасигача, финал эса томонлардан бирининг учта ғалабасига қадар давом этади.