Футзал. Ўзбекистон терма жамоасининг Осиё кубоги саралашига борадиган якуний таркиби маълум

Хабарингиз бор, айни кунларда Ўзбекистон футзал миллий терма жамоаси Тошкентда йиғин ўтказмоқда. Мазкур йиғин давомида вакилларимиз 3 та ўртоқлик учрашувида иштирок этди. Эртага жамоамиз Осиё кубогининг саралаш ўйинларида иштирок этиш учун Қирғиз Республикасининг Бишкек шаҳрига жўнаб кетади. Бугун Баҳодир Аҳмедов мазкур босқич учрашувларига жалб этилган футзалчиларнинг якуний рўйхатини эълон қилди.

Эслатиб ўтамиз, қуръа натижаларига кўра, Ўзбекистон футзал миллий терма жамоаси гуруҳ босқичида Тожикистон, Афғонистон ва Непал терма жамоалари билан кураш олиб боради.

Учрашувлар 10-12-апрель кунлари ўтказилади. Вакилларимиз ушбу босқичдаги иштирокини 10 апрель куни Непал терма жамоасига қарши ўйин билан бошлайди.

Дарвозабонлар:
Равшан Элибоев ("Каспий", Қозоғистон)
Аббос Элмуродов ("Хуахин-Жиззах")

Футболчилар:
Ихтиёр Ропиев ("Хуахин-Жиззах")
Машраб Одилов ("Локомотив")
Анасхон Раҳматов ("Хуахин-Жиззах")
Илҳом Ҳамроев ("Хуахин-Жиззах")
Ҳусниддин Нишонов ("Хуахин-Жиззах")
Дилшод Раҳматов ("Хуахин-Жиззах")
Даврон Чориев ("Хуахин-Жиззах")
Ҳайрулла Солихов ("Бунёдкор")
Элбек Тўлқинов ("Хуахин-Жиззах")
Давлат Ибрагимов (АГМК)
Акбар Усмонов ("Локомотив")
Музаффар Аҳаджонов (АГМК)