Футзал: Ўзбекистон терма жамоаси Япониядаги ўртоқлик турнирида қатнашади
09 mar 2016 11:02
News

Футзал: Ўзбекистон терма жамоаси Япониядаги ўртоқлик турнирида қатнашади

Хосе Мария Мендез бошчилигидаги футзал бўйича Ўзбекистон терма жамоаси шу йилнинг май ойида Японияда ўтказиладиган халқаро ўртоқлик турнирида иштирок этади.

Ушбу қисқа муддатли кичик ўртоқлик турнирида уч терма жамоа — Япония, Ўзбекистон ҳамда Вьетнам иштирок этади.

Мусобақа 22 — 24 май кунлари бўлиб ўтади.

Турнир тақвими:

22 май, жума

15:00 Япония – Вьетнам

23 май, шанба

12:00 Вьетнам - Ўзбекистон

24 май, якшанба

10:00 Япония -Ўзбекистон

Эслатиб ўтамиз, футзал бўйича Ўзбекистон терма жамоаси, Тошкентда бўлиб ўтган Осиё чемпионати кумуш медалларини қўлга киритиб, шу йилнинг 10 сентябрь — 2 октябрь саналари давомида Колумбияда ўтказиладиган Жаҳон чемпионати йўлланмасини қўлга киритди. Ушбу ўртоқлик турнири Мендез шогирдлари учун мундиалга тайёргарликнинг бир босқичи вазифасини ўтаб беради.