Футзал: Осиё чемпионати-2016 саралаш босқичига қуръа ташланди

Эслатиб ўтамиз, Осиё чемпионатининг финал босқичи 2016 йилнинг 9 — 21 февраль кунлари Ўзбекистон пойтахти Тошкент шаҳрида бўлиб ўтади.

Қуръа натижалари қуйидагича бўлди.

Ғарбий Осиё минтақаси (иккита гуруҳга ажратилди, ҳар бир гуруҳдан иккита жамоа финал босқичига чиқади)

"А" гуруҳи: Ливан, Саудия Арабистони, Бахрайн, Иордания
"B" гуруҳи: Ироқ, Қатар, БАА

Ушбу минтақа жамоалари ўртасидаги ўйинлар 1—3 октябр кунлари Малайзияда ўтказилади.

Марказий Осий минтақаси (иккита жамоа финал босқичига чиқади)

Бу минтақадан саралаш босқичида иштирок этадиган жамоалар сони 4та бўлгани сабаб улар учун қуръа ўтказилмади.

"А" гуруҳи: Тожикистон, Қирғизистон, Туркманистон, Афғонистон

Бу минтақа жамоалари ўйинлари 14—16 ноябрь кунлари Тожикистонда бўлиб ўтади.

Шарқий Осиё минтақаси (иккита жамоа финал босқичига чиқади)

Ушбу минтақадан саралашда иштирок этадиган жамоалар сони 5та бўлгани учун гуруҳ қуръасиз аниқланди.

"А" гуруҳи: Мўғилистон, Хитой Тайпей, (Хитой), Жанубий Корея, Гонгконг.

Бу минтақа жамоалари ўйинлари 14—16 ноябрь кунлари Мўғилистонда бўлиб ўтади.

Япония, Эрон ва Ўзбекистон терма жамоалари 2014 йили Вьетнамда бўлиб ўтган Осиё чемпионатида энг яхши натижа кўрсатган жамоалар сифатида тўғридан тўғри финал босқичига йўлланма олди. Ўзбекистон навбатдаги Осиё чемпионати мезбони сифатида ҳам тўғридан-тўғри йўлланмага эга бўлгани учун аввалги чемпионатда тўртинчи яхши натижани қайд этган Қувайт терма жамоаси ҳам финал босқичига саралашсиз йўлланма олди.

Диққат танлов!