Футзал. Колумбиядаги Жаҳон чемпионатига борадиган барча жамоалар номи маълум

2016 йил сентябрь ойида бўлиб ўтадиган мундиалга 19 май куни Колумбиянинг Меделин шаҳрида қуръа ташланади. Жаҳон чемпионатига чиққан барча 24та жамоанинг номи маълум бўлди. 

Мезбон - Колумбия
Осиё - Эрон, Ўзбекистон, Таиланд, Вьетнам, Австралия.
Жанубий Америка - Аргентина, Бразилия, Парагвай.
Океания - Соломон ороллари
Африка - Миср, Марокаш, Мозамбик
Шимолий Америка - Коста-Рика, Куба, Гуатемала, Панама
Европа - Озарбайжон, Италия, Қозоғистон, Португалия, Россия, Испания, Украина

Ўзбекистон, Вьетнам, Мозамбик, Озарбайжон каби терма жамоалар илк бор футзал бўйича Жаҳон чемпионатида иштирок этишади. Бразилия терма жамоаси амалдаги Жаҳон чемпиони ҳисобланади. Ҳозирга қадар ўтказилган 7та мундиалнинг 5тасида Бразилия ғолиб чиққан. Қолган икки чемпионатда Испания тахтга кўтарилган.

Осиё жамоалари орасида энг яхши натижани Эрон қайд этган. Форслар 1992 йилги мундиалда тўртинчи ўринни банд этишган.

Эслатиб ўтамиз, Колумбиядаги мундиал 10 сентябрь куни старт олиб 1 октябрь куни ўз ниҳоясига етади.