Футзал. ЖЧ-2020ни ўтказишга даъвогарлар номи маълум

ФИФА 2020 йил бўлиб ўтадиган Жаҳон чемпионатига мезбонлик қилиш учун ариза топширган мамлакатлар номини эълон қилди. Унга кўра, Коста-Рика, Хорватия, Эрон, Япония, Қозоғистон, Литва, Янги Зеландия ҳамда БАА давлатлари Халқаро Футбол Ассоциациялари Федерациясига мусобақани ўзларида ўтказиш учун ариза топширишган.

Шу кунгача юқоридаги 8 мамлакатдан бирортаси ҳар тўрт йилликнинг энг нуфузли мусобақасини ўз уйида ўтказмаган. Бундан ташқари, ҳеч бир Жаҳон чемпионатини ўтказишга бунча давлат ариза топширмаган эди.

ФИФА 5 августга қадар барча мамлакатларнинг тақдимотини ва керакли хужжатларни кўриб чиқади. 2020 йилги мундиал қаерда ўтиши эса декабрда эълон қилинади.

Эслатиб ўтамиз, 2016 йилги Жаҳон чемпионати 10 сентябрдан 1 октябргача Колумбияда бўлиб ўтади.