Футзал. Дилшод Рахматов: "Япония билан ўйин гуруҳ ғолибини аниқлаб беради"
22 mar 2014 20:01
News

Футзал. Дилшод Рахматов: "Япония билан ўйин гуруҳ ғолибини аниқлаб беради"

Футзал бўйича Ўзбекистон терма жамоаси аъзоси, ўтиб бораётган мавсумни Когоннинг "Когон" клуби сафида ўтказган Дилшод Рахматовнинг клуб ва терма жамоа ҳақидаги фикрлари билан қизиқдик.

- Янги мавсумни қайси жамоада бошлайсиз?
- "Когон" сафида ижара асосида тўп тепаётган эдим, бир йиллик ижара ўз якунига етди. Хуқуқий жиҳатдан "Ардус" аъзосиман, шундай экан ҳозир "Ардус" сафига қайтиб келдим.

- "Ардус" билан шартнома қачонгача тузилган?
- Ҳозирги шартномам 2016 йил ўз ниҳоясига етади.

- Биринчи лига вакили Тошкентнинг "Истиқлол" жамоасида кўрикдан ўтаётган эдингиз.
- Ҳақиқаттан ҳам "Истиқлол" кўригида иштирок этдим. Кейинги ойда футзал бўйича Осиё чемпионати ўтказилади. Шунинг учун ҳам катта футболга эътибор қаратмасликка қарор қилдим. Лекин, ўзимни катта футболда синаб кўриш борасида кейинчалик яна ўйлаб кўраман.

- Осиё чемпионатида Ўзбекистон билан бир гуруҳдан жой олган терма жамоалар ҳақида фикрингиз?
- Ўз гуруҳимизда Жанубий Корея ва Қирғизистондан кучлироқмиз. Ўйлашимча, Япония билан ўйин гуруҳ ғолибини аниқлаб беради.

Толибжон Қосимов суҳбатлашди

Link :

Source : championat.asia

Receive latest football news directly on your phone. Subscribe for our Telegram channel!

Rating: