Футзал. Абдулла Бўриев: "Ардус" эмас "Насаф" билан ўйнашимиз яхши"
21 feb 2015 12:09
News

Футзал. Абдулла Бўриев: "Ардус" эмас "Насаф" билан ўйнашимиз яхши"

Футзал бўйича Ўзбекистон чемпионатининг 4-туридан ўрин олган "Пахтакор" - "Бунёдкор" (1:5) учрашувидан сўнг "қалдирғочлар" бош мураббийи Абдулла Бўриев ўз фикрларини билдирди.

"Йигитларнинг ҳаракатидан қониқмадим. Сабаби биз деярли плей-оффга чиқиб бўлгандик. Шу боис ҳам шогирдларим у қадар яхши ўйнай олишмади. "Пахтакор"да ҳам йўқотадиган нарсаси йўқ эди, рақиб ҳам ёшларни майдонга туширди. Бир сўз билан айтганда ғалаба қозонсак ҳам бугунги ўйиндан қониқмадим", - деб гап бошлади Абдулла Бўриев.

- Плей-оффда катта эҳтимол билан "Насаф"га қарши ўйнайсизлар...
- Тўғри айтдингиз. "Насаф"га қарши ўйнашимиз деярли аниқ. Бизда ярим финалга чиқиш имконияти ошди. Билсангиз керак, айнан шу жамоа бизни икки марта хафа қилганди. Сўнгги сонияларда гол уриб ғалаба қозониб кетганди. Бундан ташқари Ўзбекистон кубогида ҳам айнан "Насаф"га қарши ўйнаймиз.

- Бу босқичда "Ардус" эмас "Насаф" билан ўйнашинглар яхшими ёки ёмон?
- Менимча "Насаф"га қарши ўйнашимиз яхши. Сабаби барибир "Ардус" ва "Олмалиқ" етакчи жамоалар. Айнан шу икки жамоа финалда ўйнашса керак, бу шахсий фикрим. "Насаф" бизга қулай рақиб.

Толибжон Қосимов суҳбатлашди

Link :

Source : championat.asia

Receive latest football news directly on your phone. Subscribe for our Telegram channel!

Rating: