Latest news

22:00Суперлига. "Нефтчи" "Бухоро" устидан қийин ғалабага эришди  26 22:00Суперлига. Ғузорда кечган воҳа дербисида "Насаф" "Машъал"дан устун келди  39 21:59Саудия Арабистони клублари Фермин Лопесга қизиқиш билдирмоқда. "Бавария" ҳам футболчини ўз сафида кўрмоқчи  0 21:25"Ливерпуль" ва "Кристал Пэлас" ўртасидаги Суперкубок ўйини қачон ўтказилиши аниқ  1 21:06Онанага харидор чиқди. МЮ дарвозабонга ўринбосар топиб қўйган  1 20:45"Вулверхэмптон" 25 миллион евролик трансферни амалга оширди  0 20:2332 ёшли Парти "Арсенал"ни тарк этади — Туркия клублари ҳаракатда  0 19:38"Ливерпуль" ҳимоя чизиғида ўзгариш кутиляпти — "Кристал Пэлас" ҳимоячиси рўйхатдаги асосий номзодлардан бири  0 18:41Мудрик антодопинг қоидаларини бузганликда айбланса, "Челси" уни судга беради  7 18:18Аморим Рэшфордга чиқиш эшигини кўрсатмоқда: МЮ уни "Реал"га таклиф қилди   3 17:51Жароҳатдан кейинги катта сакраш: "Барселона" ёш истеъдод учун курашмоқда  2 17:23Фабрегас Моратани "Комо"га таклиф қилмоқчи  2 16:56Кореяда хорижлик дарвозабонларга қўйилган тақиқ бекор қилинди  1 16:29Умиджон Эргашев: "ОКМК билан ўйинда бизни ғалабадан бошқа натижа қониқтирмайди"  1 16:00Элдор Шомуродовнинг Туркияга йўл олиши футболчининг фойдасига ишлайдими ёки зарарига?  16

Футболчи ёки мураббийлар билан бекор қилинаётган шартномалар жиддий назорат қилинади News

Футболчи ёки мураббийлар билан бекор қилинаётган шартномалар жиддий назорат қилинади

Ўзбекистон Профессионал футбол лигаси футболчи ҳамда мураббийлар ҳуқуқларини ҳимоя қилиш йўлидаги ишларни кучайтиради.

Эндиликда бирор жамоа ўз футболчиси, мураббийи билан меҳнат шартномасини бекор қилса, уларнинг ўрни тўлдирилаётган фурсатда ПФЛ эски ишчилар билан қарздорлик масаласи ижобий томонга ҳал бўлмагунига қадар, янгиларни рўйхатдан ўтказмайди.

Яқиндагина Ғузорнинг "Шўртан" клуби бош мураббий Асрор Алиқулов билан шартномани бекор қилиб, унинг ўрнига Ёрқин Назаровни рўйхатни ўтказишни истаганди. Аммо ПФЛ Алиқулов билан боғлиқ қарздорлик масаласи очиқланмагунига қадар, "Шўртан"нинг янги бош мураббийи масаласини очиқлигича қолдирди.

Кейинроқ Асрор Алиқулов ва "Шўртан" ўртасидаги қарздорлик масаласи тўлиқ ҳал этилиб, Ғузор клуби 15 августга қадар барча қарздорликдан қутилиш борасида кафолат хати тайёрлаганидан кейингина, янги мутахассис расман иш бошлашига рухсат этилди. Иш ҳозирча ПФЛ назоратида, Алиқулов билан давом этиб келаётган қарздорлик 15 августдан кечиктирилса, "Шўртан"га нисбатан санкциялар бошланади.

Шунингдек, Виктор Кумиков ҳамда унинг ёрдамчилари билан шартномани бекор қилган АГМК клуби ҳам қарздорлик масаласи борасида ПФЛга тушунтириш берди. Ҳар икки ҳолатда ҳам ПФЛ ўз вазифасидан озод этилган мураббийлар билан алоқага чиқди. АГМК Кумиков билан боғлиқ ишни деярли ҳал қилиб бўлган. Белгиланган вақтда масала тўлиқ ечимини топмаса, Кумиков бизга шикоят қилиш ҳуқуқига эга. Иш кечиктирилмасдан кўриб чиқилади.



Айни вақтда бир неча йиллик қарздорлик масалалари бўйича қатор футболчи ҳамда мураббийлар шикоят аризалари билан мурожаат қилган. Бу биринчи навбатда футболчи ва мураббийлар ўз ҳақини талаб қила олмаслигидан, иккинчи томондан уларнинг ҳақ-ҳуқуқлари етарли даражада таъминланмаганидан далолат беради. ПФЛ босқичма-босқич бу каби масалаларни тартибга солади. Бу каби ишлар ФИФАга қадар етиб боришини ёки футболчилар, мураббийлар йиллар давомида ўз ҳақини ололмай юришини кутиш шарт эмас.

Қолаверса, бир қанча клублар легионер футболчилар билан ишлаш борасида қатор хато ва камчиликларга йўл қўйган. Оқибатда иш ФИФАга қадар етиб борган. Бундай ишларнинг бир қанчаси ҳалигача осилиб тургани ҳунук ҳолат. Эндиликда клублар футболчилар, мураббийлар ва ишчи-ходимлар билан тузиладиган меҳнат шартномаларига жиддий эътибор қаратиши шарт. Бу ишга енгил кўз билан қарайдиган клубларга қарши иш олиб борилади.

Ўз навбатида шартномаси тугатилаётган футболчилар ёки мураббийларнинг собиқ клубига қарши эътирози бўлса, масала ҳали иссиқ вақтидаёқ ПФЛга мурожаат қилиш тавсия этилади. Клубнинг оғзаки ваъдаларига ишониб, бир неча йиллардан буён ҳақини ололмай юрган футболчилар ҳам ҳаётга кенгроқ кўз билан қараши, ўз ҳақ-ҳуқуқларини билиши керак.

Бу каби масалалар йиллар давомида ечимсиз ётаверса, муаммони ҳал қилиш шунчалик қийин бўлади. Темир қизиғида босилса, ҳеч бир томон норизо бўлинмайдиган ечим топиш ҳам осонроқдир. Чунки клубларда раҳбарлар алмашиб туриши оддий бир ҳолат. Янги раҳбариятнинг эски ишларни "тозалаб" юриши ҳам чиройли иш эмас. Ҳамма нарса ўз вақтида бўлгани яхши.

P.S. Айни вақтда "Бухоро" футбол клуби сафида тўп сурган икки нафар легионер футболчи билан ҳам шартномалар тугатилган. Шундан келиб чиқиб, "Бухоро" футбол клуби ҳозирданоқ улар билан боғлиқ масалани очиқлаши талаб этилади. Трансфер ойнаси вақтида "Бухоро" навбатдаги юришларни амалга ошириши учун, аввал ортда қолган ишларни тартибга солган бўлиши лозим. Йўқса, "Бухоро" янги номларни рўйхатдан ўтказа олмайди.

Rating: +20   

Comments

championat.asia
< show latest news
Яндекс.Метрика