Француз клуби Годин билан қизиқмоқда

"Интер" ҳимоячиси Диего Годин "Ренн" қизиқишлари доирасига тушиб қолди. "Қизил-қоралар" аллақачон "нерадзурри"га футболчининг трансфери борасида сўров юборган. Шунингдек, французлар футболчининг маоши қанчалигига ҳам қизиқишган.

Годин ўтган мавсумда Италияда тез-тез танқид қилинди, чунки уругвайлик ўйинчи жамоа учта марказий ҳимоячи билан ўйнашига тезда одатлана олмади. Айтиш жоизки, карантиндан кейин Антонио Конте унга кўпроқ ишона бошлади.