Франция терма жамоаси дарвозабони "Ланс" билан ҳамкорликни давом эттиради
29 jul 2023 11:59
News

Франция терма жамоаси дарвозабони "Ланс" билан ҳамкорликни давом эттиради

"Ланс" расмий сайти посбон Брис Самба билан шартнома узайтирилгани ҳақида хабар берди.

Янги келишув 2028 йилгача мўлжалланган.

Дарвозабон "Ланс"га 2022 йилнинг июлида "Ноттингем Форест"дан келиб қўшилганди. 2023 йилнинг июнь ойида у Франция терма жамоасида дебют қилди. Transfermarkt портали футболчининг нархини 13 миллион еврога баҳоламоқда.

29 ёшли Самба ўтган мавсум 37 та ўйин ўтказди, шулардан 15 тасида дарвозасидан тўп олиб чиқмади. Шунингдек, у Лига 1'да 2022/23 йилги мавсумнинг энг яхши дарвозабони деб топилди.