Latest news

00:33Спаллетти "Ювентус" учун рекорд ўрнатди  0 00:08"Жирона" — "Реал". Таркиблар маълум  2 00:07ОКМК сўнгги турда Олмалиқда "Машъал"ни мағлуб этган ўйиндан ФОТОГАЛЕРЕЯ  0 23:53"Рома" — "Наполи". Таркиблар маълум  0 23:30АПЛ. Қизиқарли кечган "Челси" ва "Арсенал" жамоалари ўртасидаги Лондон дербисида дуранг қайд этилди, "аристократлар" ўйиннинг катта қисмини ўн киши бўлиб ўтказишди  36 23:17"Андижон" сўнгги турда "Бунёдкор"ни мағлуб этган ўйиндан ФОТОГАЛЕРЕЯ  0 22:25Исак "Ливерпул" сафидаги дебют голини урди  4 21:34"Реал" 50 млн евролик трансферни амалга оширишга тайёр  8 21:00АПЛ. "Ливерпуль" Лондонда "Вест Хэм"ни мағлуб этди  7 20:56А Серия. "Интер" Лаутаронинг дубли эвазига меҳмонда "Пиза"ни мағлуб этди  2 20:05Савиньо қишда "Манчестер Сити"ни тарк этиши мумкин  2 19:22Рэшфорд "Барселона"ни тарк этиб, ПСЖга ўтиши мумкин   4 19:02АПЛ. "Манчестер Юнайтед" Лондонда иродали ғалабага эришди  17 18:53Александр Хомяков: "Бундай ўйинларда битта гол кўп нарсани ҳал қилади"  6 18:39Февзи Давлетов: "Бухородаги стадион майдони ёмон бўлгани учун узун паслар билан ўйнадик"  3

Франция деярли B Лигага тушиб кетди, Хорватия ва Нидерландия — топ-гуруҳларнинг энг яхшилари. Миллатлар лигасида нима янгиликлар? News

Франция деярли B Лигага тушиб кетди, Хорватия ва Нидерландия — топ-гуруҳларнинг энг яхшилари. Миллатлар лигасида нима янгиликлар?

Миллатлар лигаси секин-аста якунланиб бормоқда — биринчи гуруҳларнинг сўнгги ўйинлари ўтказилди. У ерда нималар бўлди?

Дания Францияни B Лигага равона қилиши мумкин эди — бунга гуруҳда биринчи бўлган Хорватия ҳалақит берди


• Франция Миллатлар лигасининг топ-дивизионидан тушиб кетган Англиянинг йўлини такрорлаши мумкин эди. Сўнгги тур олдидан Дидье Дешам жамоаси Австриядан бир очко олдинда эди — тушиб кетишдан ўзини ҳимоялаш учун ғалаба қозонишлари керак эди.


Ҳаттоки ҳал қилувчи вазиятда ҳам барчаси ўхшамади — Франция меҳмонда Даниядан 0:2 ҳисобида мағлуб бўлди. Биринчи таймдаёқ ушбу ҳисоб шакллантирилди: 34-дақиқада "Севилья"дан Каспер Дольберг (ушбу мавсум ҳали клубида гол урмаган), 39-дақиқада эса "Брюгге"дан Андреас Ольсен дарвозани аниқ нишонга олди.


Франция биринчи даврада ҳам Данияга ютқазганди — Карим Бенземанинг голига "Копенгаген" ҳужумчиси Андреас Корнелиус дубль билан жавоб қилган.



Мана Франциянинг муваффақиятсизлик хронологияси: Дания билан 1:2, Хорватия билан 1:1, Австрия билан 1:1, Хорватия билан 0:1, Австрия билан 2:0 ва Дания билан 0:2. Франциянинг "ўлим гуруҳи"га тушмаганини ҳисобга олсак, жуда заиф натижалар.


Атиги 5 очко, аммо шу ҳам A Лигада қолиш учун етди. Бу ерда хорватларга алоҳида раҳмат айтиб қўйиш керак.


• Бу гуруҳда нафақат тушиб кетишда, балки биринчи ўрин учун ҳам интрига борди. Хорватия барибир Австрия (3:1)га қарши муҳим ғалабани қўлга киритди. Голларга Никола Влашич, Марко Ливйя ва Деян Ловрен муаллифлик қилди. Якунда улар хорватларни нафақат "тўртлар финали"га олиб чиқишди, бундан ташқари B Лигага Ральф Рангник бошчилигидаги Австрияни юборган ҳолда, Францияга ҳам ёрдам бериб юборишди.


Якун: Хорватия — 13 очко, Дания — 12, Франция — 5, Австрия — 4.



Хорватияни 2023 йилнинг ёзида финалли ўйинлар кутмоқда: у ерда A гуруҳнинг 4 ғолиби ўйнайди. Бу жамоалардан бири мини-турнирга мезбонлик қилади. Ярим финаллар 14 ва 15 июнь, финал ва учинчи ўрин учун ўйин 18 июнда бўлиб ўтади.


Биз шунингдек ушбу мусобақанинг иккинчи жамоасини ҳам биламиз.


Нидерландлар Бельгияни мағлуб этишди


• Нидерландия ва Бельгия "қуруқ" ўйин ўтказишди: барчасини Виржил ван Дейкнинг 73-дақиқадаги аниқ зарбаси ҳал қилди.



Бу ўйин расмий равишда гуруҳдаги биринчи ўйин учун кураш ўйини эди, аммо Бельгия юқори ўрин учун меҳмонда уч тўп фарқи билан ютиши керак эди. Барчаси биринчи даврада Нидерландияга қарши 1:4 сабаб.


Луи ван Гал жамоаси катта эҳтимол билан ЖЧ-2022дан катта умидлар қилишмоқда. Бельгияга қарши иккита ғалаба — яхши натижа.


• Польша Уэльсдан 1:0 ҳисобида устун келди — Гарет Бэйл ва унинг жамоаси сўнгги турда гуруҳ аутсайдерлиги статусини тасдиқлашди. Полякларда ғалаба голини ҳужумчи Кароль Швидерски киритди, Левандовски бу сафар ассист билан чекланди.


Якун: Нидерландия — 16, Бельгия — 10, Польша — 7, Уэльс — 1.




Миллатлар лигасининг бошқа дивизионларида нима гаплар?


• C Лигаси: Қозоғистон кутилмаган ҳолда Озарбайжондан "тарсаки" эди — 0:3. Кўп нарсани 35-дақиқада "Зенит" ҳимоячиси Нурали Алипнинг четлаштирилиши ҳал қилди — барча уч тўп иккинчи таймда киритилди. Аммо, бу гуруҳдаги натижаларга таъсир қилмади: Қозоғистон биринчи ўрин билан чиқди, сўнгги турда Словакия билан 1:1 ўйнаган Беларусь ўтиш ўйинига йўл олади.


Якун: Қозоғистон — 12, Озарбайжон — 10, Словакия — 7, Беларусь — 3.




Туркия кутилмаган тарзда Фарер Ороллари (1:2)га мағлуб бўлди — балки мусобақа мотивацияси етмагандир. Терма жамоа муддатидан олдин B Лигага қайтди, шу сабаб сўнгги ўйинлардан маъно йўқ эди: бунга қадар Люксембург (3:3) билан қизиқарли ўйин ўтказишганди.



Люксембург параллель ўйинда Литва (1:0)ни мағлуб этди. Жадвал ҳайратга солади — Литва жуда ҳам пастга тушиб кетди.


Якун: Туркия — 13, Люксембург — 11, Фарер Ороллари — 8, Литва — 1.




• D Лига: бу ерда кутилмаган интрига. Юқорига чиқишга Латвия (12 очко эди) ва Молдова (10) даъвогарлик қилишди. Аммо, якуний турдан сўнг ўринларни алмашишмади: латвияликлар учун C Лигага чиқишга Андорра билан 1:1 етарли бўлди, Молдова эса Лихтенштейнни 2:0 ҳисобида таслим этди.


Якун: Латвия — 13, Молдова — 13, Андорра — 8, Лихтенштейн — 0. Латвия Молдова билан ўзаро ўйин сабаб юқорироқдан ўрин эгаллади: 4:2 ғалаба ва 1:2 ҳисобидаги мағлубият.



Author : Alisher
Rating: +1   

Comments

championat.asia
< show latest news
Яндекс.Метрика