Фотомақола: Акмал Холматов ва "Нефтчи" (тарих)

Камдан-кам футболчилар яхши ўйинчи бўлиш билан бирга, яхши инсон ҳам бўладилар. Ўз тарбияси билан йиллар давомида қаерда тўп тепмасин, ўзидан кичикларга ўрнак бўлиб келаётган Акмал Холматов яна қадрдон жамоаси, "Нефтчи"га қайтди. Мен эса ўз фото архивимдан фойдаланган ҳолда, Акмал Холматовнинг суратларини эътиборингизга тақдим этаман.

У пайтар аппаратимиз жуда оддий эди, шунинг учун сифатига узр сўраймиз.



Холматов дастлаб "Нефтчи"га келган йили, уни ҳамма бирдек қабул қилмаган. Ҳаттоки бир маротаба жамоадан кетиши кераклигини айтишган. Йиллар ўтиб у Саркисяннинг жамоадаги энг ишонган футболчиси даражасига чиқа олди.



Бу ўйин кечагидек ёдимда. "Навбаҳор" - "Нефтчи" ўйини Тошкентга кўчирилиши муносабати билан, ўқишдан чиқиб стадионга келганман. Мансур Саидов чамаси 40 метрлардан дарвоза тўрини ишғол қилган эди. "Навбаҳор" дарвозасида Олег Беляков турган.



Акмал Холматовни ўз устида ишлашини инобатга олсак, 2015 йил ҳам шу савиясида "Нефтчи"га ёрдам бера олади. Агар сиз суратда кўриб турган футболчингиз, Мансур Саидов ҳам жамоага қайтадиган бўлса борми?



"Нефтчи" мухлислари яна хурсандлар, Холматов яна Фарғонада.



2007 йил. Собиқ МҲСК стадиони. "Пахтакор" - "Нефтчи" учрашуви олдидан сардорлар.


Нодирхўжа Юлдашев