Фотофакт! Андижонлик футболчилар ўйиндан кейин йиғлашди
25 aug 2014 14:04
News

Фотофакт! Андижонлик футболчилар ўйиндан кейин йиғлашди

Пойтахтимизда спорт устаси, “Пахтакор” футбол клубининг собиқ аъзоси Баҳодир Иброҳимов хотирасига бағишлаб илк бор ўтказилган турнир бугун ниҳоясига етди.

Хотира турнирининг 3-ўрин учун кечган баҳсида Бекободнинг “Металлург” ҳамда Андижон вилояти футбол мактаби тарбияланувчилари ўзаро баҳс олиб боришди. Ўйинда бекободликлар 3:0 ҳисобида зафар қучишди.

Бош ҳакам финал ҳуштагини чалгач, андижонлик ёш футболчилар мағлубият аламига чидай олмай йиғлаб юборишди. Мен шунча пайт катталар футболида юриб, олий ва биринчи лига ўйинчиларининг мағлубиятдан сўнг йиғлашганини кўрмаганман.

Аммо болалар футболида ҳамма нарса бўлиши мумкин. Болалар - беғубор, улар ҳамма ишни юракдан бажаришади. Шунинг учун ҳам болаларни асрашимиз керак. Йиғлаётган футболчиларни футболимиз фахрийси Тўлаган Исоқов овутишга уринди. Лекин бунақа пайтда болаларни жим қилиб бўлармиди.

Х.Холиқов.

Link :

Source : championat.asia

Receive latest football news directly on your phone. Subscribe for our Telegram channel!

Rating: