ФНҚИЗ ходимлари ўртасида завод Спартакиадаси ўтказилмоқда

Турнирни ўтказишдан кўзланган мақсад, завод жамоалари ва ишчилари ўртасида жисмоний тарбия ва спорт ҳаракатини оммалаштириш ва тарғиботини кучайтириш, шунингдек, спорт турлари бўйича энг яхши спортчиларни ва жамоаларни аниқлаш саналади.

Мусобақада спортнинг 8 тури бўйича завод ходимлари ўзаро беллашмоқда. Футбол, енгил атлетика, шахмат, стол тенниси, сузиш, волейбол, армрестлинг ҳамда ота-она ва бола ўртасидаги кўпкураш йўналишларида ходимлар ўз имкониятларини ишга солишмоқда.

Шу қатори футбол мусобақалари ҳам қизғин тус олган.  Турнирда завод ишчиларидан ташкил топган 24 та цех жамоалари 4 гуруҳга бўлинган ҳолда иштирок этмоқда.