Флорентино Перес: «Дисквалификация ҳақида билмагандик»

«Клуб ҳам, футболчи ҳам огоҳлантирилмаган. Регламентнинг 41 бобида агар клуб огоҳлантирилмаса жазо ҳақиқий эмас деб топилади. Бундай вазиятга биринчи бор тушдик. Доим дисквалификациялар ҳақида хабар олардик. Агар Черишев огоҳлантирилганида у майдонга тушмасди. Аммо ҳеч ким бу борада унга ҳеч нима демаган.

Федерация ҳам, «Вильярреал» ҳам, Черишев ҳам дисквалификация ҳақида ҳеч нима дейишмади. Бу вазиятда клубдагилар айбдор эмас. Жазо ҳақида умуман билмагандик.

Бенитес билан гаплашдим, жамоадаги барча хафа. Черишев билан гаплашмадим, аммо унинг аҳволи яхшилигини айтишди. Пикенинг твити? Бундай нарсаларга изоҳ бермайман», – дейди Перес.