Флик: "Тан олиш керак - Япония зўр терма жамоа экан"

Кеча "немис машинаси" Японияга 1:4 ҳисобида мағлуб бўлди. Терма сўнгги 5 ўйинда бирорта ғалабага эриша олмади - 4 мағлубият ва 1 дуранг.

"Доимо жамоани ўйинга идеал тайёрлаш учун қўлимдан келганини қиляпман. Мураббийлар штаби ўз ишини яхши бажаряпти, мен эса терма учун мос мураббийман деб ўйлайман.

Энг аввало, барчасидан ранжидим. Тан олиш керак - Япония зўр терма жамоа экан. Айни дамда бизда бундай зич ҳимояни ёриб ўтиш учун етарлича ресурслар йўқ. Шунчаки бу етарлича эмас.

Ўйинни яхши бошладик, бироқ Япониянинг илк вазияти гол билан якунланди. Шундан кейин яна бир гол ўтказиб юбордик. Бирор футболчини айблашни истамайман. Улар яна-яна гол уришга ҳаракат қилишди, бироқ индивидуал хатолар кўпайиб кетди. Рақиблар эса бундан унумли фойдаланишди", - деди Флик.