Флик: “0:2 дан кейин "уйғондик" ва 60 дақиқа майдонда тўлиқ устунлик қилдик”
07 mar 2021 09:18
News

Флик: “0:2 дан кейин "уйғондик" ва 60 дақиқа майдонда тўлиқ устунлик қилдик”

Tags : Боруссия Д Бавария Бундеслига Ханс-Дитер Флик

“Бавария” бош мураббийи Ханс-Дитер Флик Бундеслига 24-тури доирасида “Боруссия” (Дортмунд) устидан қозонилган ғалаба ҳақида гапирди.

Эслатиб ўтамиз, мазкур беллашувда мюнхенликлар тезкор иккита гол ўтказиб юборишларига қарамай, якунда рақибни икки тўп фарқи билан доғда қолдиришди -4:2.

“Айни пайтда рақибларимиз имкон бўлди дегунча, албатта бизнинг дарвозага гол уришмоқда.

Биз ҳисоб 0:2 га ўзгаргач, “уйғондик” ва биздан шунчаки очко олиб бўлмаслигини кўрсатиб қўйдик. Ҳисобдан келиб чиқиб ҳам биз ғалабага лойиқ эканлигимизни айтиш мумкин. Қолаверса, 60 дақиқа вақт давомида майдонда рақибдан тўлиқ устунлик қила олдик”, деди Флик.

“Бавария” айни пайтда Бундеслига турнир жадвалида 55 очко тўплаб пешқадамлик қилмоқда. “Боруссия” (Д) эса 39 очко билан олтинчи поғонани эгаллаб турибди.

Link :

Source : Spox

Receive latest football news directly on your phone. Subscribe for our Telegram channel!

Rating: +4