ФИФА рефериси Валентин Коваленкога "Ўзбекистон Конституциясига 25 йил" эсдалик нишони топширилди

Президентимиз Шавкат Мирзиёевнинг 2017 йил 29 ноябрдаги фармойишига биноан Конституциямиз қабул қилинганининг 25 йиллиги муносабати билан мамлакатимизда амалга оширилаётган барча ислоҳотларда жонбозлик кўрсатиб келаётган, Бош қомусимизнинг ҳаётимиздаги ўрни ва аҳамиятини кенг тарғиб этиш ишига муносиб ҳисса қўшган бир қатор юртдошларимиз қаторида Ўзбекистон Футбол Федерацияси Президенти Умид Аҳмаджонов ҳамда Федерациянинг бир гуруҳ ходимлари билан биргаликда икки нафар ФИФА рефериси Валентин Коваленко ва Шерзод Қосимовлар "Ўзбекистон Конституциясига 25 йил" эсдалик нишони билан тақдирланган эди.

Валентин Коваленко ўша пайтда Шарқий Осиё футбол федерацияси (EAFF) томонидан ўтказиладиган терма жамоалар иштирокидаги мусобақада иштирок этаётгани сабабли ушбу эсдалик нишонини қабул қила олмаганди.

Ўзбекистон Футбол Федерацияси президенти Умид Аҳмаджонов ФИФА рефериси Валентин Коваленкога "Ўзбекистон Конституциясига 25 йил" эсдалик нишонини топширди ва ҳакамнинг келгуси фаолиятига омад тилади.