ФИФА Президенти Жанни Инфантино "Локомотив"ни чемпионлик билан табриклади
28 nov 2017 15:14
News

ФИФА Президенти Жанни Инфантино "Локомотив"ни чемпионлик билан табриклади

ФИФА Президенти Жанни Инфантино “Локомотив” футбол клубини чемпионлик билан табриклаб Ўзбекистон Футбол Федерацияси Президенти Умид Аҳмаджонов номига хат йўллади.

Хатда Жанни Инфантино Ўзбекистон Футбол Федерацияси томонидан мамлакатда футболни юқори босқичга олиб чиқиш, миллий футбол савиясини ошириш мақсадида амалга оширилаётган ислоҳотлар ва чора-тадбирларга юқори баҳо берар экан, бунинг учун бутун дунё футбол жамоатчилиги номидан ўз миннатдорчилигини билдириб ўтган.

Шунингдек, ФИФА Президенти “Локомотив” футбол клуби кетма-кет иккинчи марта мана шундай юксак натижани қўлга киритгани клубнинг барча ходимлари меҳнати натижаси эканлигини таъкидлаб ўтиб, “Локомотив” футболчилари, мураббийлари, барча ходимлари, шунингдек, жамоа ишқибозларига ўзининг эзгу тилакларини йўллаган.