ФИФА ЖЧни ҳар 2 йилда ўтказиш ғоясидан воз кечди

Арсен Венгер ФИФА Жаҳон чемпионатини ҳар икки йилда бир марта ўтказиш ғоясидан воз кечганини эълон қилди.

"Мендан бу ҳақда ўйлаб кўришни сўрашди ва мен буни яхши фикр деб ўйладим. Аммо бундай ўзгаришлар учун саралаш тақвимини тўлиқ қайта кўриб чиқиш керак бўларди.

Бугун биз бунга интилмаяпмиз. Биз тўрт йиллик даврни кузатмоқдамиз, бу даврда эркаклар ўртасидаги мундиаль тобора аҳамиятли бўлиб бораётган аёллар ўртасидаги Евро ва клублар ўртасидаги ЖЧ билан алмашиб қолади", – деди ФИФАнинг глобал ривожланиш бўйича раҳбари.