ФИФА вақтинча футболчиларга мавсум давомида учта клубда ўйнаш имконини тақдим этди

Ташкилот хабарига кўра, футболчиларга 2019/20 йилги мавсумда учта клуб сафида ўйнашга рухсат берилади.

Шу тариқа ФИФА ёзда клубсиз қолиш эҳтимоли бўлган ўйинчиларни ҳимоя қилишни кўзламоқда. Одатда шартнома май ё июнь охиригача тузилади, аммо коронавирус пандемияси туфайли бир нечта мусобақаларда мавсум рестарти ёзга кўчирилди ва бир қатор футболчилар билан келишув муддати тугагандан кейин ҳам улар давом этиши мумкин.

ФИФА қоидаларига кўра, футболчи мавсум давомида расмий тарзда иккита клубда ўйнай олади. Истисно ҳолатлар ҳам бўлади, аммо бу одатда индивидуал тарзда кўриб чиқилади.