ФИФА аргентиналик мухлисларнинг норозилигига сабаб бўлган мунозарали қарор қабул қилди

Халқаро футбол федерацияси (ФИФА) 20 ёшгача бўлган футболчилар ўртасидаги жаҳон чемпионати доирасида ороллар шарафига номланган "Мендоза" стадионида ўрнатилган давлат байроғи Фолкленд ороллари (испанчада Мальвин ороллари) рамзини беркитишни талаб қилди. Бу эса ижтимоий тармоқларда муҳокамаларга сабаб бўлди.

"Малвинас", "Антартида" ва "Атлетико Сур" котиби Гилермо Кармона халқаро ташкилотнинг ушбу қарорини танқид қилди. Шунингдек, у Мендоза ҳукумати бу ҳақда Ташқи ишлар вазирлиги билан маслаҳатлашмагани ва ФИФА билан музокараларда қониқарли тушунтириш берилмаганини таъкидлади.

Бир пайтлар урушда қатнашган Эктор Наведа исмли фахрий томошабин ўзи учун одатий бўлган Фолкленд ороллари тасвири туширилган бош кийимда келгани сабабли сешанба куни "Мендоза" стадионида бўлиб ўтган АҚШ ва Фижи учрашувига киритилмади. 

"Ўз провинциямда бундай воқеага дуч келаман деб сира ўйламагандим. Стадионга борганимда, икки ФИФА хавфсизлик ходими мени кирита олмаслигини айтишди. "Нега?" деб сўрасам, Фолкленд тасвири туширилган бош кийим кийганимни айтишди ва уни ечишни сўради. Мен эса бош кийимни ечмаслигимни, ортга ҳам қайтмаслигимни айтдим. Чунки мен ҳеч қанақа провокация қилгани келганим йўқ. Айбим Фолкленд фахрийси бўлганиммидики, полиция мени олиб чиқиб кетишди. Мен ўзим учун хафа бўлганим йўқ, балки биринчи марта набирам билан ўйинга келгандим", деди фахрий ишқибоз.