FIAT ходимлари Роналдунинг трансфери туфайли иш ташлаш уюштиришади

Автоконцерн ходимларининг фикрича, бундай харажатлар нотўғри ва улар иш ташлаш уюштиришмоқчи.

"Бу тўғри қарор эмас, ишчилар оғир иқтисодий дамларни бошидан кечираётганда 100 млн. евролик футболчи сотиб олинмоқда.

Бизга қийин дамлар келганини, компаниянинг ходимлар олдидаги ижтимоий мажбуриятлари камайишини айтишди.

Компания ходимлар қизиқишини биринчи ўринга қўйиши керак. Бугун бундай эмас, клуб эгаларига футбол ва кўнгилхушлик қизиқроқ.

Шу сабабларга кўра компания ходимлари 15-17 июль кунлари иш ташлаш эълон қилишмоқчи" - дейилади FIAT ходимлари баёнотида.

Эслатиб ўтамиз, Роналду трансферининг бир қисмини FIAT заводи захира пулидан тўланади.