Февзи Давлетов: “Қизил карточка ўйиннинг боришига таъсир кўрсатди”

Ўйин ҳақида

- Учрашув биз учун жуда ёмон кўринишда ўтди. Қизил карточка ўйиннинг боришига ўз таъсирини кўрсатди. ОКМК ва “Бунёдкор” билан ўйинлардаги мағлубиятлар ортидан йигитларнинг руҳиятида муаммолар бор эди. Бугун қизил карточкадан кейин ҳужум ташкил этишда қийналдик. Ўйинга танлаган режаларимиз ўзгариб кетди.

- Бугун жамоангиз оптимал таркиб билан ўйнадими?

- Йўқ, тўлиқ оптимал таркиб билан ўйнай олмаяпмиз. Терма жамоадан чақирув олган футболчимиз бор, шунингдек ўйин давомида қизил карточка ҳам олдик. Юзага келадиган танаффусда жиддий ишлаймиз. Олдимизда ҳар бир футболчи билан индивудиал шуғулланиш учун имконият юзага келаяпти. Бундан унумли фойдаланишимиз керак.