Февзи Давлетов: "Менга нисбатан эътирозлар? Мухлислар доимо жамоага ишониши керак"
05 apr 00:17
News


Февзи Давлетов: "Менга нисбатан эътирозлар? Мухлислар доимо жамоага ишониши керак"
- Бугун мухлислар яхши, жанговар ўйин томоша қилишди, деб ўйлайман. Иккала жамоа ҳам ғалаба қозонишни истади. Бугунги ҳолатда биз ғалабага яқинроқ эдик ва адолатли ғалабага эришдик. Барчани, мухлисларни, йигитларимни табриклайман. Футболчиларим барча кўрсатмаларни бажаришди. Биринчи бўлим яхши ўтди. Қўпол хатодан кейин ўтказиб юборилган гол ўйинни ёндириб юборди. Стандартлардан кейин кўп хатолар қилдик. Шундан кейин жамоам олдинга ўтди ва голлар урди. Рақибни тўғри ўргангандик, уларнинг қанотларидан кириб бордик ва адолатли голларни урдик.
- Ҳисоб 1:0 бўлиб турган пайтда икки қанот ҳимоячиларини ўзгартирдингиз. 1:1 бўлганидан кейин эса марказий ҳимоячини нега ўзгартирдингиз?
- Нодир Неъматхонов кичик жароҳат олганди. Уни алмаштиришга мажбур бўлдик. Қанотлар борасида эса шундай дея оламан: биз кучларни янгиладик, тезлик қўшдик. Бу позиция бўйича режали ўзгариш эди. Бу ўзгаришлар жамоага ёрдам берди.
- "Сурхон"даги фаолиятингиз давомида мухлисларнинг Сизга нисбатан эътирози кўп бўлмоқда. Бугунги ғалабадан кейин мухлисларга нима дея оласиз?
- Бундай ўйинлардан кейин йигитлар барчаси омадсизлик бўлганини тушуниб туришганди. Мухлислар эса ҳар қандай қийин ўйин бўлишидан қатъий назар жамоани қўллаб-қувватлашлари, ишонишлари керак. Шундагина жамоа барча хатолар тўғриланиб, ўйин яхшиланиб кетади.
- Абдусаломов масаласида нима дея оласиз?
- У касал эди. "Бунёдкор"га қарши ўйинни бетоб ҳолатда ўтказди. Уни ўшанда майдонга туширмаслигимиз керак эди. Бироқ унинг ўзи майдонга тушишни истади. У касал. Шунингдек, Плетневда ҳам жароҳат бор. Менимча, навбатдаги ўйинга қадар барча сафга қайтади ва биз жанговар таркибда ўйнаймиз.
Similar news

Comments