Latest news

10:40"Астон Вилла" бир қатор футболчилар билан хайрлашди  0 10:12Лионель Месси кежалаги борасида бир қарорга келди  11 09:55КЖЧ. "Ал Ҳилол" тўртта гол уриб, "Манчестер Сити"ни мусобақадан чиқариб юборди  28 09:43ОКМК дарвозабони жамоани тарк этишга яқин  1 09:10"Ким қолишни истамаса, хайр!". "Интер" сардори Лаутаро ЖЧни тарк этганига муносабат билдирди  5 08:44Сенсация! "Ал Ҳилол" даҳшатли ўйинда "Манчестер Сити"ни мағлуб этди ва кейинги босқичга йўл олди  91 08:20Суперлига. 15-тур баҳсларининг бошланиш вақтлари маълум  0 07:40Криштиану Роналду: "Бу аллақачон ўтмиш"  18 04:34"Манчестер Сити" — "Ал Ҳилол". Таркиблар маълум  67 02:00КЖЧ. "Интер" Бразилия жамоасига мағлуб бўлди ва турнирни тарк этди  25 01:11Миржалол Қосимов: "Тўрт ўйиндан буён гол ура олмаяпмиз. Футболчиларга ортиқча босим қилиб юбордим, деган хаёл келди"  9 01:00Суперлига. Плетнёвнинг заргарона узатмасидан сўнг урилган гол "Сурхон"га ОКМК устидан ғалаба тақдим этди  3 00:56Февзи Давлетов: "Бизга бу ғалаба жуда керак эди"  4 00:25РПЛ-2025/26да фақат сардорларга ҳакамлар билан мулоқот қилишга рухсат берилиши мумкин. Бошқалар жазоланади  0 23:23"Астон Вилла" Рэшфорд, Асенсио ва Дисасиларнинг кетганини эълон қилди  2

Февзи Давлетов: "Бизга бу ғалаба жуда керак эди" News

Февзи Давлетов: "Бизга бу ғалаба жуда керак эди"

Суперлига 14-туридан ўрин олган ОКМК - "Сурхон" учрашувидан сўнг (0:1) меҳмонлар жамоаси бош мураббийи Февзи Давлетов матбуот анжуманида иштирок этди.

"Бизга бу ғалаба жуда керакли эди. "Шўртан" билан ўйиндаги натижада ўзимиз айбдормиз. Бугунги учрашувга яхши тайёргарлик кўргандик. Биринчи бўлим жуда сифатли бўлди. Икки жамоа ҳам тезроқ гол уришга ҳаракат қилди. Танаффусдан кейин гол урдик, иккинчи голни ҳам уришимиз мумкин эди. Вазиятларимиз ҳам етарлича бўлди. Гол урмаганимиздан сўнг асабийлаша бошладик. Кейин эса ҳисобни сақлаб қолишга ҳаракат қилдик. Йигитлар барча кўрсатмаларни тўғри бажаришди. Биринчи давранинг сафар учрашувларидаги дастлабки ғалабамизни қўлга киритдик" - дея фикр билдирди Февзи Давлетов бугунги учрашув ҳақида.


- "Шўртан"га қарши ўйиндан сўнг тайёргарликда ва тактикада қандайдир ўзгаришларга қўл урдингизми?


- Ҳа, ўзгариш қилсак бўларди, аммо биз ҳимояда мустаҳкамроқ ўйнашимиз керак эди. Оддий вазиятларда хатоларга йўл қўйдик ва аламли тарзда мағлуб бўлдик. Бугун эса биз ғалаба қозона олдик.


- Иқтидорли Асилбек Жумаев майдонда катта ҳажмдаги ишни бажаради, аммо сўнгги ярим йил давомида Жумаевда реализация масаласида муаммолар кузатилаётган эди. Бугунги гол, ёш футболчига янада кўпроқ гол уришга ёрдам бериши мумкинми?


- У кўп меҳнат қилади, аммо реализация - муҳим жиҳат. Масалан, Европа футболига қаранг, вингерлар бир мавсумда нечта гол уради. Ушбу жиҳат устида янада кўпроқ ишлаши керак. Кўпроқ гол урса, мен фақатгина хурсанд бўламан. Асилбек бугун яхши пасларни ҳам амалга оширди.


- Ўтган ўйинларда жамоада реализация масаласида катта муаммолар кузатилган эди. Бугунги ўйинда ҳам "Сурхон" вазиятлардан фойдаланиш бўйича қийинчиликларга дуч келдими?


- Биз ҳар доим етарлича вазиятлар ярата оляпмиз. Энди "Бухоро"га қарши ўйинга тайёргарлик кўришимиз керак. Шундан сўнг, реализация масаласида иш олиб борамиз. Бу ишга жиддий ёндашишимиз керак бўлади.

Rating: +3   

Comments

   
01 jul 08:21:21
tigr0474
Ха реализация буйича Асилбек кушимча тарзда уз устида яхшилаб тайёргарлик курса, хаттоки манаман деган т/ж хужумчиларига хам ракобат таклиф кила олади. Сурхон эса шунаканги уйинчиси билан янада юкорирок уринларга даъво килса булади.
   
01 jul 06:16:18
Бахтиёр Ашуров
Февзи ўзи яхши мураббий!
   
01 jul 05:17:00
Artur1801
Сурхон насафга ёрдам бермоқда чемпионлик йўлида ўтган йилгидек. Олға сурхон
   
01 jul 03:17:10
Узбек футболи
Маладес, бугун йигитлар яхши уйин курсатишди!
championat.asia
< show latest news
Яндекс.Метрика