Фернанду Сантуш: "Ҳамма Роналду ҳақида гапирмоқда, чунки..."

- Польшага қарши Греция бош мураббийи сифатида ўтган Европа чемпионатида дуч келгандим. Ўша ўйинни яхши эслайман. Аммо аввалги Польша билан ҳозиргисини ўртасида фарқ катта. Ушбу тўқнашувда фаворит жамоа йўқ. Имкониятлар тенг.

Ҳамма Роналду ҳақида гапирмоқда, чунки Криштиану ажойиб футболчи. Жуда кучли футболчиларни доимо муҳокама қилишади. Масалан Роналду, Левандовски, Нойер каби футболчиларни. Роналду бу каби юқори босимларга ўрганиб кетганю Шу боис бу нарса унга тўсқинлик қилмайди.

Польша кўп жиҳатдан Хорватияга ўхшаш. Бу баҳсда тенг кураш кечади. Лекин турнирда ҳали Польша сингари жамоага дуч келмагандик. Уларда аниқ бир режа бор ва Польша шу режа асосида ўйнайди. Навалка шогирдлари ҳимоядан ҳужумга ўтишда тез ҳаракат қилади. Бу ерда Навалканинг имзоси сезилиб туради. Тўп бизда бўлган вақтда уларнинг кучсиз томонларидан фойдаланиб қолишга уринамиз.