Фернанду Сантуш: "Буни яна бир марта айтаман, Роналду умуман термадан кетиши ҳақида гапиргани йўқ"

Португалия бош мураббийи Фернанду Сантуш матбуот анжуманида Криштиану Роналдунинг терма жамоадан кетиши ҳақида чиққан гап-сўзларга қуйидагича муносабат билдирди. 

"Футболчилар хурсанд бўлиши учун доим ўзаро тил топишишга ҳаракат қиламан. Роналду – сардор. Мен унга муҳтожман. У билан гаплашиб олишга мажбурман. 

Машғулотларда Швейцарияга қарши асосий таркиб борасида гаплашмадик. Тушликдан сўнг нима учун майдонга тушмаслигини тушунтирдим. Бу унинг учун сюрприз бўлмади. Бу бизнинг стратегиямиз эканлигини ва бу муҳимлигини айтдим. Уни иккинчи таймда исталган вақтда туширишим мумкинлигини айтдим. Албатта, у бундан хурсанд бўлмади, аммо кўрсатмаларимни тўғри қабул қилди. Роналду умуман термадан кетиши ҳақида гапиргани йўқ. Буни яна бир марта такрорлаб ўтяпман.

Ўйин давомида голни барча билан бирга нишонлади. Барча унинг бахтли эканини кўрди. Қандайдир кетиш ҳақида гап бўлгани йўқ. 

Асосий таркибда майдонга тушмаган исталан футболчи хафа бўлади. Менимча, бу нормал ҳолат", – деди Фернанду Сантуш.