Фергюсон Роналдо туфайли Ван Нистелройдан воз кечган экан

Китобда муаллиф бир неча қизиқарли сирларни очиб ташлаган. Жумладан, голландиялик Рууд Ван Нистелрой 2006 йилда жамоани тарк этиш сабаби ҳақида айтиб ўтган. Ўшанда ҳужумчи ёш жамоадоши Роналдони ҳақорат қилгани учун Фергюсон Ван Нистелройдан воз кечган экан.

Ўшанда португалияликнинг отаси вафот этади. Карлуш Кейруш (ўшанда Фергюсоннинг ёрдамчиси бўлиб ишларди) тимсолида у ўзига янги ота топиб бўлганини ва бу Роналдонинг сиқилишга сабаб бўлмаслиги кераклигини айтади.   

Роналдонинг ҳақиқий отаси Ван Нистелрой фикри бўйича, ҳурматга ва эслашга арзимайдиган, доим ичиб юрадиган инсон бўлганини айтади. Шунингдек, ҳужумчи на Кейрушни, на Роналдони ҳурмат қилмаслигини қўшимча қилади. 

Кўп ўтмай, голландиялик Роналдодан узр сўрайди, аммо португал уни қабул қилмайди. Ёзда эса Нистелройни "Реал"га сотиб юборишади.