Феллайни: "Ибрагимович туфайли МЮ ғолибдек ўйнай бошлади"

"Биз Златанга миннатдорчилик билдиришимиз керак, чунки у доимо керакли пайт керакли жойда пайдо бўлмоқда. У голлар уряпти. Златан муҳим футболчи. У иродали, доимо ғолиб бўлишни истайдиган, меҳнат қилишдан тўхтамайдиган буюк ўйинчи. Бу машғулот жараёнида ҳам кўриниб туради. Учрашувлар давомида у биринчи бўлиб ғолиб бўлишни истайди. Златаннинг хоҳиши жамоага ижобий таъсир қилади.

Ибрагимович менга ишонч бағишлади. У мени оқир вақтларда қўллаб турди. Златан - турли жойларда кўплаб совринлар қўлга киритган ғолиб. Унинг гапларига қулоқ соламан" - дейди Феллайни.