Файзулла Қамбаров: «Мураббийлар ишончи кучимга куч қўшмоқда»
16 may 2016 17:55
News

Файзулла Қамбаров: «Мураббийлар ишончи кучимга куч қўшмоқда»

Олий лига тўққизинчи туридан жой олган «Қизилқум» — «Андижон» жамоалари (2:1) учрашувидан сўнг, мезбонлар ҳимоячиси Файзулла Қамбаровнинг ўйин ҳақидаги фикрлари билан қизиқдик.

— Майдонга фақат ғалаба иштиёқида тушгандик, — дейди Файзулла Қамбаров. — Аввалига ўз дарвозамиздан тўп олиб чиқиб, якунда мухлисларимизга ғалаба улашганимиздан хурсандмиз. Жуда қийин ўйин бўлди. Рақиб жамоасида Неманья Йованович каби тезкор ҳужумчини қўриқлаш ва унга имкон қадар майдонда эркин ҳаракат қилишига йўл қўймаслик вазифаси зиммамга юклатилганди. Буни уддаладим, деб ўйлайман.

Олдинги мавсумларда кўпроқ захира ўриндиғидан ўйинга қўшилардим. Бу йилги мавсумдан бошлаб жамоамиз бош менежери ва мураббийлари мени бошланғич таркибда майдонга туширишяпти. Бундай эътибор ва ишонч кучимга куч қўшмоқда. Рақиб ким бўлишидан қатъий назар кейинги ўйинларда ҳам мухлисларимизга чиройли ва ҳужумкор футбол туҳфа қилишга ҳаракат қиламиз.

«Қизилқум» ПФК Матбуот хизмати.

Link :

Source : championat.asia

Receive latest football news directly on your phone. Subscribe for our Telegram channel!

Rating: +5