Фаррух Турдалиев: "Энг яхшилар қаторида тақдирлашгани учун мухлислар ва мутахассисларга миннатдорчилик билдираман"

"Бу йилги "Ҳоким кубоги" мусобақаси ҳар доимгидан кўра шиддатли руҳда ўтди. Буни иштирокчи жамоаларга назар ташласангиз ҳам яққол сезиш мумкин. Вилоятимиз ҳокими Хайрулла Бозоровнинг футболга бўлган эътибори юқори. Шу сабали бу йилги мусобақа ҳар томонлама кўтаринки руҳда ўтди. Биз мураббийларимиз томонидан берилган кўрсатмаларни бажардик, ўйинларда ғалаба учун астойдил ҳаракат қилдик. Иккинчи ўрин ҳам ёмон эмас назаримда.

Иккита ўйинда пенальтилар сериясини ютдик? Биласизми, пенальтилар серияси бу лоторея каби, омад келса ютасиз. Омадимиз келган экан, шу сабабдан кетма-кет иккита ўйинда пенальтилар сериясидаги ғалаба эвазига ғалаба қозондик. 

Энг яхши дарвозабон деб топилганим албатта мени руҳлантиради. Келажакда биз янги мавсумга катта мақсадлар билан тайёрланмоқдамиз. Насиб бўлса ҳар бир учрашувда ғалаба қозониб юқори ўринлар учун курашамиз. Мени энг яхшилар қаторида тақдирлашгани учун мухлислар ва мутахассисларга миннатдорчилик билдираман" - дейди Фаррух Турдалиев.

Бекзод Толибов ёзиб олди.