Фарруҳ Зокиров: «Яратган вазиятларимизни голга айлантира олмадик»

«Қандай спорт тури бўлмасин юзага келган имкониятлардан фойдалана олмаса, мақсадига ета олмайди. Бизда ҳам шундай бўлди. Биринчи бўлимнинг ўзида бир эмас бир нечта голли вазиятларни юзага келтиргандик, афсуски, булардан фойдалана олмадик.

Қолаверса, Мафтуна Шойимованинг йўқлиги ҳам билинди. Якунда эса рақибларимиз ғалаба қозонишди. Бу билан ҳали ҳеч нима тугамади, ҳали имкониятимиз бор. Туркманистон термасига қарши ўйинга тайёргарликни давом эттирамиз.

Яширмайман, Австралия Филиппин термасига нисбатан кучлироқ кўринди. Лекин биз уларни натижасини кутишимиз керак эмас, ўз ўйинимизни кўрсатиб, фақат ютуқ учун майдонга тушишимиз талаб этилади».