Фарҳод Сафаров: "Бош мураббийнинг йўқлиги албатта таъсир қилади"

"Аввало "Навбаҳор"ни ғалаба билан табриклаймиз. Наманган халқини келаётган Наврўз байрами билан қутлаймиз. Ўйин бошида тезкор гол ўтказиб юбордик. Чемпионатнинг бошида ўйнаш доим оғир. 3-4та ўйиндан кейин барчаси ўз изига тушиб кетади.

Биласизлар Рауф Инилеев оёғини операция қилдиргани учун ҳозир тикланиш жараёнини бошдан кечирмоқда. Шу боис Наманганга кела олмади. Унинг йўқлиги албатта жамоага таъсир қилди.

Шахсий фикрим, бугун майдон бизнинг жамоа учун оғир бўлди. Футболчиларимнинг қандай югуришини биламан, аммо негадир бугун уларга майдон босими таъсир қилди деб ўйлайман. Шоҳруз Норхоновнинг жароҳати жиддий эмас, у кейинги ўйинларда майдонга тушади", - дейди Фарҳод Сафаров.

"Обод" матбуот хизмати