Фарҳод Нишонов: "Бу ерда футбол ўйнаш жуда қийин бўляпти"
24 sep 20:12
News

Фарҳод Нишонов: "Бу ерда футбол ўйнаш жуда қийин бўляпти"

Про лиганинг навбатдаги туридан ўрин олган "Жайҳун" - "Олимпик Мобиуз" (3:2) учрашувидан сўнг меҳмонлар бош мураббийи Фарҳод Нишонов фикрларини билдирди.

"Жайҳун"ни ғалаба билан табриклайман. Тан олиш керак, улар биздан ҳар томонлама яхши ўйнади. Иштиёқ ва жамоавий ўйин эвазига ҳақли тарзда ғалаба қозонди",- дейди Фарҳод Нишонов.

- Муҳаммадали Реимовнинг қизил карточкаси ҳақида...

- Бу вазиятни ўйиндан кейин кўрсак бўлади. Лекин ётган футболчини тепган бўлса оқламайман, чунки бу яхши эмас. Айтишим мумкинки, биз 10 киши қолиб ютқаздик. Шунча тайёргарлик кўрдик, бутун бошли штаб ишламоқда. Раҳбариятимиз шароит қилиб беряпти. Лекин битта футболчини ўзини назорат қила олмаслиги, ўзига ортиқча баҳо бериши оқибатида бутун бошли катта штабнинг ишини йўққа чиқарди.

- "Олимпик Мобиуз" жамоаси Қорақалпоқ клублари билан ўйинларда очко йўқотмоқда...

- Албатта, бу ерда футбол ўйнаш жуда қийин бўляпти. Биз бу майдонга мослаша олмаяпмиз. Шунинг эвазига кўп очко йўқотмоқдамиз. Биз кўпроқ тўп билан ишлаймиз, аммо бунинг имкони бўлмаяпти.

Link :

Source : championat.asia

Receive latest football news directly on your phone. Subscribe for our Telegram channel!

Rating: